To Live Is to Die

მასალა ვიკიპედიიდან — თავისუფალი ენციკლოპედია
Jump to navigation Jump to search
„To Live Is to Die“
სიმღერა, შემსრულებელი – მეტალიკა, ალბომიდან ...And Justice for All
გამოსვლის თარიღი 25 აგვისტო, 1988[1]
ჩაიწერა იანვარი–მაისი, 1988 სტუდიაში One On One ლოს-ანჯელესი, კალიფორნია[2]
ჟანრი თრეშ მეტალი
ხანგრძლივობა 9:49
ხმისჩამწერი ლეიბლი Elektra, Vertigo
ავტორი კლიფ ბარტონი,
ჯეიმზ ჰეტფილდი,
ლარს ულრიხი
პროდიუსერი მეტალიკა,
ფლემინგ რასმუსენი
...And Justice for All - სიმღერები

The Frayed Ends of Sanity
(7)
To Live Is to Die
(8)
Dyers Eve
(9)
მუსიკალური ნაწყვეტები:

To Live Is to Dieამერიკული მძიმე მეტალ ჯგუფ მეტალიკის უმეტესად ინსტრუმენტული კომპოზიცია და მერვე ტრეკი მათი მეოთხე სტუდიური ალბომიდან ...And Justice for All. კომპოზიცია თითქმის მთლიანად მინორულ ტონალობაშია შესრულებული, რაც მას დამამწუხრებელ ელფერს სძენს.

კომპოზიცია ეძღვნება ჯგუფის 1986 წლის ავტოკატასტროფაში დაღუპულ ბასისტს კლიფ ბარტონის. მუსიკა მოიცავს კლიფის მიერ სიკვდილის წინა პერიოდში დაწერილ რიფებს, რომელიც სიმღერებში არ ასახულა. სიმღერის სახელწოდება კლიფის საყვარელი ფრაზაა. To Live is to Die დასასრულისკენ შეიცავს რამდენიმე წინადადებას ტექსტის სახით, რომელიც დაწერილია კლიფის მიერ. აქედან, პირველი ორი ხაზი ეკუთვნის გერმანელ პოეტს პაულ გერჰარდტს, რომელიც პოპულარული გახდა 1981 წლის ფილმის ექსკალიბურის გამოსვლის შემდეგ. შემდეგი ორი ამერიკელ პოეტსა და მწერალს სტეფენ დონალდსონს.[3] ტექსტს ჰეტფილდი კითხულობს:

ვიკიციტატა
„When a man lies he murders
Some part of the world
These are the pale deaths
Which men miscall their lives

All this I cannot bear
To witness any longer
Cannot the kingdom of salvation
Take me home?...“

ტექსტის უკანასკნელი ორი ხაზი დაწერილია კლიფის მემორიალზეც.

ტრადიციულად, მეტალიკის ეს ინსტრუმენტალიც ალბომის დასასრულისკენ არის ჩასმული და ყველაზე გრძელია ალბომში. 9:49 წუთიანი ხანგრძლივობით იგი იყო ასევე მეტალიკის ყველაზე გრძელი სტუდიური ჩანაწერი ათი წლის განმავლობაში. 1996 წელს გამოვიდა სიმღერა The Outlaw Torn ალბომიდან Load, რომლის თავდაპირველი ჩანაწერი 10:48 წუთი იყო, ხოლო შემდგომ უკანასკნელი ერთი წუთი ჩამოაჭრეს და დაამოკლეს 9:48-მდე, CD დისკზე რომ დატეულიყო. თუ გავითვალისწინებთ ამ ფაქტს, ამ დროისთვის, იგი ხანგრძლივობით მესამეა მეტალიკის სიმღერებს შორის და ჩამორჩება მხოლოდ სიმღერებს: Suicide & Redemption (9:57) ალბომიდან Death Magnetic და Mercyful Fate (11:12) ალბომიდან Garage Inc.. ეს უკანასკნელი წარმოადგენს ხუთი ქავერის პოპურს.

ჯეიმზ ჰეტფილდი უკრავს მეორე საგიტარო სოლოს შენელებული სექციის განმავლობაში. ეს კომპოზიცია მეტალიკის უკანასკნელი ტრეკია, რომლის დაწერაშიც კლიფის წვლილიცაა, და ჯგუფის ერთადერთი ინსტრუმენტალია, სადაც ჯეისონ ნიუსტედი უკავს ბას-გიტარაზე. ცოცხლად სრულად არასოდეს შესრულებულა, თუმცა კომპოზიციის გარკვეული ნაწილები სრულდებოდა პოპურების შემადგენლობაში.

პერსონალი[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]