Tatra T3R.PV

მასალა ვიკიპედიიდან — თავისუფალი ენციკლოპედია
Jump to navigation Jump to search
პრაღის ტრამვაი ტატრა T3R.PV სმიხოვის ვაგზალთან (Smíchovské nádraží)
ოსიეკის ტატრა T3R.PV-ს უკანა ხედი
ტატრა T3R.PV-ს ორვაგონიანი ბმული პლზენში

Tatra T3R.PV — ერთსექციური, ორურიკიანი, ცალმხრივი მიმართულების, მაღალიატაკიანი ტრამვაის ვაგონი; ტატრა T3–ის მოდერნიზაცია, რომელიც გამოიყენება განსაკუთრებულად ამორტიზირებული ტატრა T3–ების განახლებისას.

ისტორია[რედაქტირება | წყაროს რედაქტირება]

ზოგიერთი ტატრა T3 მეტად ცუდ მდგომარეობაშია, რის გამოც მათი აღდგენა–განახლება რთულია. ასეთი ვაგონებისათვის საჭირო გახდა მოდერნიზაციის ახალი ტიპების შემუშავება, როგორებიცაა ტატრა T3R.EV და ტატრა T3R.PV.

მოდერნიზაცია[რედაქტირება | წყაროს რედაქტირება]

ასეთი მოდერნიზაცია გულისხმობს ძარას გადაკეთებას, რომლის დროსაც ვაგონს პირველი კარის დასაწყისამდე აჭრიან წინა, სახიან ნაწილს, რადგან კოროზიის (ან დეფორმაციის) გამო მისი აღდგენა დიდ შრომით და ფინანსურ დანახარჯებს ითხოვს. ამის შემდეგ ძარას უმაგრდება ახალი წინა მხარე (ე.წ. „ნიღაბი“). ეს ახალი სახიანი მხარე შესაძლოა იყოს როგორც კლასიკური ტატრა T3–ის დიზაინის (დიზაინერი: ფრანტიშეკ კარდაუსი), აგრეთვე თანამედროვე, ვარიო LF–ის მსგავსი (დიზაინერი: ფრანტიშეკ პელიკანი. ასეთი დიზაინი აქვთ მხოლოდ ოსიეკის და ვოლგოგრადის ტატრა T3R.PV–ებს). ტატრა T3R.PV–ს ინტერიერი და მართვის პულტი ტატრა T3–ის უკანასკნელი მოდერნიზაციების ანალოგიურია. ეს ვაგონი აღჭურვილია TV Progress ელექტროაღჭურვილობით. პრაღის, ბრატისლავას და ვოლგოგრადის ტატრა T3R.PV–ებს აქვთ პანტოგრაფი (იხ.: დენმიმღები), ხოლო სხვა ქალაქებში, — ნახევარპანტოგრაფი.

ტექნიკური მონაცემები[რედაქტირება | წყაროს რედაქტირება]

  • სიგრძე (ქუროების გარეშე): 14 მ
  • სიგანე: 2,5 მ
  • სიმაღლე: 3,08 მ
  • ცარიელი ვაგონის წონა: 16ტ
  • ადგილების ჯამური რაოდენობა: 110
    • დასაჯდომი: 23
    • დასადგომი: 87
  • მაქს. რეკომენდებული სიჩქარე: 65 კმ/სთ

რესურსები ინტერნეტში[რედაქტირება | წყაროს რედაქტირება]

მოძიებულია „https://ka.wikipedia.org/w/index.php?title=Tatra_T3R.PV&oldid=3524262“-დან