Pigs on the Wing

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
„Pigs on the Wing“
სიმღერა - პინკ ფლოიდი, ალბომიდან Animals
გამოსვლის თარიღი 23 იანვარი, 1977 (ინგლისი)
2 თებერვალი, 1977 (აშშ)
ჩაიწერა ნოემბერი 1976
ჟანრი პროგრესული როკი
ენა ინგლისური
ხანგრძლივობა 1:25 (თითო ნაწილი)
2:50 (ორივე ნაწილი ერთად)
3:25 (8 ფირიანი კასეტის ვერსია)
ხმისჩამწერი ლეიბლი Harvest / Capitol
ავტორი როჯერ უოტერსი
პროდიუსერი პინკ ფლოიდი
Animals - სიმღერები

Pigs on the Wing“ — ინგლისური პროგრესული როკ-ჯგუფ პინკ ფლოიდის სიმღერა ალბომზე Animals[1][2]. მისი ავტორია როჯერ უოტერსი. სხვადასხვა წყაროს თანახმად, იგი ეძღვნება როგორც უოტერსის ყოფილ, ასევე იმ პერიოდში შემდგომ მეუღლეს, კეროლაინს.

ისტორია[რედაქტირება | წყაროს რედაქტირება]

მუსიკალური ნაწყვეტები:

Pigs on the Wing

ვერ ხსნით ფაილს? იხ. მედია მაშველი.

სიმღერა იყოფა ორ ნაწილად. პირველი ნაწილი ჟღერს ალბომის პროლოგის, ხოლო მეორე - მისი ეპილოგის სახით. ორივე მკვეთრ კონტრასტშია ალბომის სამ სხვა კომპოზიციასთან, ვინაიდან სრულდება მხოლოდ აკუსტიკურ გიტარაზე. იგი ასევე ითვლება ალბომის უფრო ნათელი განწყობის მატარებელ სიმღერად.[3]

პირველი ნაწილის მესამე სტრიქონი აგრეთვე იყო სიმღერის „Raving and Drooling“ შემადგენელი ნაწილი.

1977 წლის საკონცერტო ტურნეში, აშშ-ში დევიდ გილმორი ამ კომპოზიციას ასრულებდა ბას-გიტარაზე. სიმღერა შედიოდა როჯერის 1984-1985 წლების სოლო-პროგრამაში, ისევე, როგორც 1999-2002 ტურნეში და მოხვდა 2016 წლის კონცერტების სერიის სეტლისტში (ასრულებდნენ მეორე ნაწილთან ერთად).

გაყიდვაში ასევე იყო 8 ფირიანი კარტრიჯი - კასეტა, რომელზეც ალბომი რამდენიმეჯერ ზედიზედ იკვრებოდა. ამ ვერსიისათვის სიმღერების პირველი და მეორე ნაწილები გაერთიანებული იქნა სპეციალური გიტარის სოლოს დახმარებით, რომელიც გიტარისტმა სნოუი უაიტმა ჩაწერა. გაერთიანებული ვერსია, ორივე ნაწილით, მოხვდა სნოუი უაიტის 1995 წლის სტუდიურ ალბომში Goldtop: Groups & Sessions.

სიმღერის პრომო-ფილმში გამოყენებულია კადრები ალბომის Animals გარეკანის ფოტოს გადაღების სესიებიდან.

მეორე ნაწილის შესახებ როჯერი ამბობდა:

ამ სიმღერის გარეშე Animals უბრალოდ გაშმაგებული კივილი იქნებოდა.

მეორე ნაწილი სრულდებოდა ჯგუფის 1977 წლის ტურნეს ფარგლებში, თუმცა იგი ამ შემთხვევაში ალბომის კომპოზიციების ციკლის ფინალს არ წარმოადგენდა, მას „Pigs (Three Different Ones)“ მოჰყვებოდა. უოტერსმა სიმღერა საკუთარ სოლო პროგრამაში პირველად 2016 წელს შეიტანა და ასრულებდა პირველი ნაწილის შემდეგ.

სქოლიო[რედაქტირება | წყაროს რედაქტირება]

  1. სტრონგი, მარტინ ჩ. (2004). The Great Rock Discography, მეშვიდე, ედინბურგი: Canongate Books, გვ. 1177. ISBN 1-84195-551-5. 
  2. მებეტი, ენდი (1995). The Complete Guide to the Music of Pink Floyd. ლონდონი: Omnibus Press. ISBN 0-7119-4301-X. 
  3. Nicholas Schaffner, Saucerful of Secrets, 1992
მოძიებულია „https://ka.wikipedia.org/w/index.php?title=Pigs_on_the_Wing&oldid=3353311“-დან