Money (პინკ ფლოიდის სიმღერა)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
„Money“
სინგლი  - პინკ ფლოიდი
ალბომიდან The Dark Side of the Moon
B-მხარე Any Colour You Like
გამოსვლის თარიღი 7 მაისი, 1973
ფორმატი 7"
ჩაიწერა ივნისი 1972 - იანვარი 1973, ები-როუდის სტუდიები
ჟანრი პროგრესული როკი, ბლუზ-როკი, მძიმე როკი
ხანგრძლივობა 3:59 (სინგლის ვერსია)
6:22 (ალბომის ვერსია)
ლეიბლი Harvest Records, EMI (ბრიტანეთი)
Harvest Records, Capitol (აშშ)
პროდიუსერი პინკ ფლოიდი
პინკ ფლოიდი - სინგლების ქრონოლოგია
„Free Four“
(1972)
Money
(1973)
„Us and Them“/„Time“
(1973)
The Dark Side of the Moon სიმღერების სია
Echoes: The Best of Pink Floyd სიმღერების სია
ალტერნატიული გარეკანი
სინგლის 2003 წლის გამოცემის ყდა
სინგლის 2003 წლის გამოცემის ყდა
აუდიო ნაწყვეტი
ინფორმაცია ფაილზე

Money“ (ინგლ. ფული) — მეექვსე სიმღერა[1] ინგლისური პროგრესული როკ-ჯგუფ პინკ ფლოიდის 1973 წლის ალბომზე The Dark Side of the Moon. ეს არის ერთადერთი სიმღერა ალბომიდან, რომელიც მოხვდა აშშ-ის ჩარტების საუკეთესო ოცეულში. ორიგინალურ გრამფირფიტაზე „Money“-თ იწყებოდა ალბომის მეორე მხარე. სიმღერის ავტორია როჯერ უოტერსი.

„Money“ ცნობილია სიმღერის დასაწყისში გამოყენებული მონეტების და სალაროს აპარატის ხმებით, რომელიც სპეციალურად ალბომისთვის ჩაიწერა.

ისტორია[რედაქტირება | წყაროს რედაქტირება]

სიმღერას აქვს თვლა 7/8.[2] თავდაპირველად მისი რიტმი იყო 7/4[3][4][5].

სიმღერის დემო-ჩანაწერები, რომლებიც შეიცავდნენ ზოგიერთ ხმის ეფექტს, ჩაიწერა როჯერ უოტერსის სტუდიაში, რომელიც მის ეზოში მდებარეობდა. დამატებითი ეფექტები იწერებოდა ები-როუდის სტუდიებში:

ფირის ხუთი ინდივიდუალური ასლი გავჭიმეთ სტუდიაში. მათთან ფრთხილად იყო მოთავსებული მიკროფონები. ფირებს ატრიალებდნენ და ფრთხილად იწერდნენ, რათა აპარატებს ისინი არ დაეღეჭათ. ნიკ მეისონისთვის ეს ყველაფერი წლების შემდეგ კომედიური იყო, ვინაიდან დღეს ამ ოპერაციის შესრულება სტუდიაში ერთი ღილაკის დაჭერით არის შესაძლებელი.

ამოცანას წარმოადგენდა ხმოვანი ეფექტების ოთახში წრიულად მოძრაობა. ეს ნიშნავდა, რომ ყოველი ხმოვანი ეფექტი, მონეტები, სალაროს აპარატი, სხვა ფულის ხმაური უნდა ჩაეწერათ ცალ-ცალკე არხებად.

სიმღერის ავტორად მხოლოდ უოტერსია დასახელებული, რადგან მან დაწერა ძირითადი მუსიკა და მთელი ტექსტი, მაგრამ ის მთელი ჯგუფის ძალისხმევის შედეგია. ინსტრუმენტული ჯემი ერთობლივი მუშაობის შედეგია. დევიდ გილმორი თვალყურს ადევნებდა როგორც საკუთარ სამუშაოს გიტარასა და ვოკალზე, ისე ტაქტის ცვლილებას, ხოლო რიჩარდ რაიტი და ნიკ მეისონი იმპროვიზირებდნენ. მოწვეულმა მუსიკოსმა დიკ პერიმ ჩაწერა სოლო ტენორ საქსოფონზე, რომელიც წინ უძღვის გიტარის სოლოს. გილმორის წვლილი შესამჩნევია ფინალურ მიქსშიც, რომელიც შეიცავს ექოს და დაყოვნების ეფექტებით ჩაწერილ სექციებს. გიტარის სოლოს ფინალურ ნაწილში, მაღალი ნოტების მისაღებად, გილმორი უკრავდა Lewis-ის სპეციალურ გიტარაზე, რომელსაც ორი ოქტავა ჰქონდა.

სიმღერის ბოლოს ჟღერს დისკუსიები ძალადობის შესახებ. ზოგადად, ყველა საუბარი, რომელიც ალბომზე ჟღერს, ჩაიწერა სტუდიაში, უკვე მუსიკალური მასალის ჩაწერის შემდეგ. სხვადასხვა სტუმარს უჩვენეს ბარათები კითხვებით. ერთ-ერთი იყო უ„კანასკნელად როდის გამოიჩინეთ ძალადობა?“.

სიმღერას ასრულებდნენ ჯგუფის ყველა კონცერტზე 1972-1975 წლებში. შემდეგ ის რეგულარულად სრულდებოდა ბისზე 1977 წლის ტურნეში. ჯგუფი აგრეთვე ასრულებდა მას A Momentary Lapse of Reason-ისა და The Division Bell-ის ტურნეებზე 1987-1990 და 1994 წლებში. სიმღერა აგრეთვე სრულდებოდა დევიდ გილმორის 1984 წლის ამერიკულ ტურნეში გახანგრძლივებული სახით (12 წუთამდე) და როჯერ უოტერსის სოლო ტურნეებში. სიმღერა აგრეთვე შესრულდა პინკ ფლოიდის გაერთიანებისას, Live 8-ზე. იგი შედიოდა როჯერ უოტერსის სოლო-ტურნეების პროგრამებშიც, ხოლო 2015 წლიდან - დევიდ გილმორის სეტლისტებში.

1981 წელს გილმორმა სტუდიაში New Roydonia საკუთარი ძალებით ჩაწერა „Money“-ს სხვა ვერსია, რომელზეც ყველა ინსტრუმენტის პარტიას თავად ასრულებს. მისი პროდიუსერი ჯეიმზ გათრია, ხოლო საქსოფონის სოლო კვლავ დიკ პერიმ დაამატა. განსხვავება ორიგინალთან მიმართებაში აშკარაა, რაზეც დასარტყმელი საკრავების პარტია მოწმობს. სიმღერის ახალი ვერსიის ჩაწერა მოხდა მხოლოდ იმიტომ, რომ ჯგუფმა The Dark Side of the Moon-ის გამოსვლის შემდეგ შეიცვალა ამერიკული ლეიბლი და არ გააჩნდა ორიგინალური აუდიოფირები. განახლებული ვერსიისთვის სპეციალურად ჩაიწერა ფულის ხმაურის ახალი მონტაჟიც. ვერსია შევიდა კომპილაციაში A Collection of Great Dance Songs.

ბარი ჩეტინგტონის 1974 წლის პრომო ფილმში, რომელიც სიმღერის მიხედვით შეიქმნა, ნაჩვენებია მოსახლეობის ღარიბი და მდიდარი ფენები და ფუფუნების ობიექტები ასევე გამოიყენებოდა კონცერტებზე, მრგვალ ეკრანზე პროექციის სახით. ქართულ ინტერნეტ-სივრცეში გავრცელდა დაუდასტურებელი ინფორმაცია, თითქოს ვიდეოში გამოყენებულია სესილია თაყაიშვილის ფოტოსურათები[6].

ფილმი გამოიყენებოდა კონცერტებზე ჯგუფის, როჯერ უოტერსისა და დევიდ გილმორის (2015-2016) მიერ, თუმცა აგრეთვე არსებობს მისი ორი სხვა ვერსია, რომელიც 1974/1975 წლებში გამოიყენებოდა.

სიმღერების სია[რედაქტირება | წყაროს რედაქტირება]

7 სინგლი, საფრანგეთი Harvest Records (2C 006-05368)
# სახელწოდება ხანგრძლივობა
1. „Money“ 3:59
2. „Any Colour You Like“ 3:11
7 სინგლი, აშშ, Harvest Records (3609)
# სახელწოდება ხანგრძლივობა
1. „Money“ 3:59
2. „Any Colour You Like“ 3:11
კომპაქტ დისკი, 1993, ევროპა, EMI (MONEY 1)
# სახელწოდება ხანგრძლივობა
1. „Money“ 4:02
კომპაქტ დისკი, 2003, აშშ, Capitol Records (CA 4280)
# სახელწოდება ხანგრძლივობა
1. „Money“ 6:55
  • 1993 წლის კომპაქტ-დისკის ვერსია გამოიცა ალბომის The Dark Side of the Moon ციფრული რემასტერინგის სარეკლამო მიზნით.
  • 2003 წლის კომპაქტ-დისკის ვერსია გამოიცა ალბომის The Dark Side of the Moon 2003 წლის SACD ვერსიის სარეკლამო მიზნით.

სხვა ვერსიები[რედაქტირება | წყაროს რედაქტირება]

ფაქტები[რედაქტირება | წყაროს რედაქტირება]

  • ამერიკული პრომო-სინგლი შემოკლებულია 3 წუთამდე და ცენზურის გამო ამოჭრილია სიტყვა „shit“.
  • ფილმში „პინკ ფლოიდი: კედელი“, სიმღერაში „The Happiest Days of Our Lives“ მოკლე პაუზის დროს, არის საკლასო ოთახის სცენა, სადაც მასწავლებელი მასხრად იგდებს ლექსს, რომელსაც პინკი წერს. სიტყვები, რომლებსაც მასწავლებელი ხმამაღლა კითხულობს, არის „Money“-ს ტექსტიდან.
  • Milli Vanilli-ს სიმღერაში „Money“ გამოყენებულია საკასო აპარატის ხმები სიმღერის დასაწყისიდან, ამ ორ სიმღერას სხვა მხრივ საერთო არაფერი აქვს.

ჩარტები[რედაქტირება | წყაროს რედაქტირება]

პერსონალი[რედაქტირება | წყაროს რედაქტირება]

პინკ ფლოიდი
მიწვეული შემსრულებელი
ტექნიკური პერსონალი
  • ალან პარსონსი – ხმის ინჟინერი
  • პიტერ ჯეიმზი – ასისტენტი (პირველ ამერიკულ გამოცემებში არასწორად არის მითითებული, როგორც „პიტერ ჯოუნსი“)
  • კრის თომასი – ხმის მიქსის ხელმძღვანელი

სქოლიო[რედაქტირება | წყაროს რედაქტირება]

  1. სიმღერის ნომერი დამოკიდებულია ალბომის გამოცემაზე. ზოგ გამოცემაში გაერთიანებულია კომპოზიციები Speak to Me და Breathe.
  2. Classic Albums: Pink Floyd - The Making of The Dark Side of the Moon (DVD), 2003.
  3. Pink Floyd's Dark Side of the Moon. utopia.knoware.nl. წაკითხვის თარიღი: 9 August 2011.
  4. Guitar World, February 1993. Retrieved from Pink Floyd Online on 3 November 2008.
  5. David Hodge, "Play in a Different Time". Play Guitar Magazine, No. 12, Spring 2007. Retrieved on 3 November 2008.
  6. სესილია თაყაიშვილი Pink Floyd-ის მუსიკალურ ვიდეოში Money
  7. Library and Archives Canada: Top Singles – Volume 19, No. 26, August 11, 1973, August 11, 1973, http://www.collectionscanada.gc.ca/rpm/028020-119.01-e.php?&file_num=nlc008388.4875&type=2&interval=50&PHPSESSID=ukm78p1803hbd8srul24c9f4v4, წაკითხვის თარიღი: 12 July 2014
  8. სტივენ ჰანგი. Discographie Pink Floyd. დაარქივებულია ორიგინალიდან - 2016-06-16. წაკითხვის თარიღი: 2016-07-27.
  9. Archived copy. დაარქივებულია ორიგინალიდან - 2016-03-05. წაკითხვის თარიღი: 2015-08-30.
  10. Die ganze Musik im Internet: Charts, Neuerscheinungen, Tickets, Genres. წაკითხვის თარიღი: 2016-07-27.
  11. Joel Whitburn's Top Pop Singles 1955-1990 - ISBN 0-89820-089-X
  12. Cash Box Top 100 Singles, August 4, 1973
  13. http://www.bac-lac.gc.ca/eng/discover/films-videos-sound-recordings/rpm/Pages/item.aspx?IdNumber=9481& Bac-lac.gc.ca
  14. უიტბერნი, ჯოელ (1999). Pop Annual. მენომონი-ფოლზი, უისკონსინი: Record Research Inc.. ISBN 0-89820-142-X. 
  15. Cash Box Year-End Charts: Top 100 Pop Singles, December 29, 1973