შეზღუდული პასუხისმგებლობის საზოგადოებაLucasfilm Ltd.[3] — ამერიკული კინო და სატელევიზიო პროდუქციის მწარმოებელი კომპანია. მდებარეობს სან-ფრანცისკოში (კალიფორნია). ყველაზე მეტად ცნობილია ფრენჩაიზებით ვარსკვლავური ომები და ინდიანა ჯოუნსი. აგრეთვე არის ერთ-ერთი მსოფლიო ლიდერი სპეციალური ეფექტების, ხმის და კომპიუტერული ანიმაციის შექმნაში. კომპანია 1971 წელს ჯორჯ ლუკასმა დააარსა, სან-რაფაელში. 2005 წელს კომპანიის ძირითადი ოპერაციები გადატანილი იქნა სან-ფრანცისკოში.[4] 2012 წელს Lucasfilm 4.06 მილიარდ აშშ დოლარად შეიძინა უოლტ დისნეის კომპანიამ.[5]
