Is This the Life We Really Want?

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Is This the Life We Really Want?

სტუდიური ალბომი - როჯერ უოტერსი
გამოცემის თარიღი 2 ივნისი 2017
ჩაიწერა 2010-2017
ხანგრძლივობა 54:06
ლეიბლი Columbia Records
პროდიუსერი ნაიჯელ გოდრიჩი
როჯერ უოტერსი - ქრონოლოგია
Amused to Death
(1992)
Is This the Life We Really Want?
(2017)

Is This the Life We Really Want? — ბრიტანელი როკ-მუსიკოს როჯერ უოტერსის მეოთხე სტუდიური ალბომი. იგი გამოიცემა 2017 წლის 2 ივნისს [1] და იქნება მისი პირველი როკ-ალბომი 1992 წლის Amused to Death-ის შემდეგ[2].

წარმოშობა[რედაქტირება | წყაროს რედაქტირება]

ალბომი იწერებოდა 2010-2017 წლებში. ტურნეს In the Flesh პერიოდში არსებობდა ვარაუდი, რომ მუსიკოსი მუშაობდა ახალ ალბომზე. საკონცერტო პროგრამაში გამოჩნდა ახალი სიმღერები „Each Small Candle“[3] და „Flickering Flame“. მოგვიანებით როჯერმა გამოსცა სინგლი To Kill the Child/Leaving Beirut, ორი ახალი სიმღერით.

უფრო გვიანდელ პერიოდში პრესასთან საუბარში როჯერმა ახსენა ალბომის სამუშაო სახელწოდება Heartland[4]. გარკვეული დროის შემდეგ იგი საუბრობდა ერთდროულად ორ ალბომზე მუშაობის შესახებ.

უკვე 2010-იანი წლების პერიოდში როჯერი ხშირად ახსენებდა მომავალი ალბომის თემას - ირლანდიელ მოხუცს, რომლის შვილიშვილი იღვიძებს ღამის კოშმარის შემდეგ და ბაბუამისს ეკითხება, თუ რატომ კლავენ ადამიანები ბავშვებს[4]. ამავე დროს, არსებობდა ამ ამბის რადიოდადგმის სახით ადაპტირების გეგმა, თუმცა, უკვე 2017 წლის ინტერვიუებში როჯერი ამბობდა, რომ პროექტი გადაიდო, თუმცა გარკვეულ ეტაპზე, შესაძლოა, მაინც დასრულებულიყო. Rolling Stone-ის ამ წლის ერთ-ერთ გამოცემაში მითითებული იყო, რომ ჩაწერა დაიწყო 2010 წელს.

სიმღერების დეტალები[რედაქტირება | წყაროს რედაქტირება]

Rolling Stone-თან ინტერვიუში საუბარი იყო, რომ ალბომში შევიდოდა უკვე ცნობილი სამი სიმღერა - „Crystal Clear Brooks“, „Safe and Sound“ და „Lay Down Jerusalem (If I Had Been God)“. უკანასკნელი პირველად შესრულდა ევროპარლამენტში, ბრიუსელში, 2014 წელს. აგრეთვე შესრულდა ორჯერ, 2015 წელს. სიმღერის სახელწოდება ალბომისთვის შეიცვალა „Deja Vu“-თი.

ჟურნალ Mojo-ს 2017 წლის მაისის ნომერში გამოქვეყნდა ინფორმაცია სიმღერაზე „Smell The Roses“. უოტერსის თქმით, მასში ბეტერსის ცნობილი თბოელექტროსადგური (გამოსახული ალბომ Animals-ის გარეკანზე) წარმოდგენილია, როგორც ტყვიაწამლის საწყობი. უოტერსს ინტერვიუში მოჰყავს სტრიქონები სიმღერიდან: „This is a room where they make the explosive / Where they put your name on the bomb / Here's where they bury the "buts' and the "ifs" and erase words like right and wrong“ (ქართ. ეს ოთახია, რომელშიც ასაფეთქებელს ამზადებენ, შენს სახელს ყუმბარას აწერენ, სადაც ასამარებენ ყოველ „მაგრამ“-ს და „თუ“-ს და გავიწყებენ, როგორ არჩევ კარგს და ცუდს“).

სიმღერების ოფიციალური სია გამოცხადდა 2017 წლის 20 აპრილს.[5] იმავე დღეს გამოქვეყნდა სიმღერა „Smell The Roses“.

სიმღერები „Crystal Clear Brooks“ და „Safe and Sound“ ალბომში არ არის შეტანილი.

„Wait for Her“-ის ტექსტი უოტერსმა დაწერა უცნობი ავტორის ლექსის თარგმანის შთაგონებით (რომელიც, თავის მხრივ, მაჰმუდ დარვიშს ეკუთვნის)[6].

პრომო კამპანია[რედაქტირება | წყაროს რედაქტირება]

2017 წლის 16 თებერვალს მუსიკოსის ოფიციალურ Facebook-გვერდზე გამოქვეყნდა ნახევარწუთიანი ნაწყვეტი ალბომიდან და თავად ალბომის სახელწოდება, რომელიც ვიდეოშ გამოჩნდა. კიდევ ერთი ნაწყვეტი გამოქვეყნდა 3 მარტს. 20 მარტს გამოქვეყნდა სიმღერის „Déjà Vu“ ნაწყვეტი.

პირველი სრული სიმღერა, გამოქვეყნებული ალბომიდან, იყო „Smell The Roses“[7], რომელიც ხელმისაწვდომი 20 აპრილს გახდა. „Déjà Vu“-ს სრული ვერსია ქსელში 7 მაისს გამოქვეყნდა[8]. 8 მაისს როჯერმა და მისმა მუსიკოსებმა სიმღერა შეასრულეს ცოცხლად The Late Show with Stephen Colbert-ში[9].

19 მაისს გამოქვეყნდა სიმღერის „The Last Refugee“ ოფიციალური მუსიკალური ვიდეო, გადაღებული რეჟისორ შონ ევანსის მიერ. მისი სიუჟეტი აღწერს ქალს, რომელიც გაძევებულია მშობლიური მხარიდან და ლტოლვილია[10].

სიმღერების სია[რედაქტირება | წყაროს რედაქტირება]

# სახელწოდება ხანგრძლივობა
1. When We Were Young   1:38
2. Déjà Vu   4:27
3. The Last Refugee   4:12
4. Picture That   6:47
5. Broken Bones   4:57
6. Is This The Life We Really Want?   5:55
7. Bird In A Gale   5:31
8. The Most Beautiful Girl   6:09
9. Smell The Roses   5:15
10. Wait For Her   4:56
11. Oceans Apart   1:07
12. Part Of Me Died   3:12

პერსონალი[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]