„Human Nature“ — ამერიკელი მომღერალ მაიკლ ჯექსონის სიმღერა, რიგით მეხუთე სინგლი მისი ალბომიდან Thriller. სიმღერის ავტორია კლავიშისტი სტივ პორკარო. იდეა ეფუძნება საუბარს, რომელიც მას ჰქონდა ქალიშვილთან, სკოლაში რთული დღის შემდეგ. პორკარო, ისევე, როგორც ჯგუფ „ტოტოს“ სხვა წევრები, მონაწილეობდნენ Thriller-ის ჩაწერაში, მაგრამ სტივს თავდაპირველად არ ჰქონდა დაგეგმილი სიმღერის ჯექსონისთვის გადაცემა. თუმცა, ალბომის პროდიუსერმა კუინსი ჯოუნსმა შემთხვევით მოისმინა მისი დემოვერსია და იფიქრა, რომ ალბომს იგი მოერგებოდ. ჯოუნსმა მიიწვია სიმღერების ავტორი ჯონ ბეტისი, რომელმაც შეცვალა სტროფები – ამ ცვლილების შემდეგ ტექსტის თემად იქცა ნიუ-იორკში მოსიარულე.[3]
„Human Nature“ სინგლზე გამოიცა 1983 წლის 3 ივლისს. ისევე როგორც მანამდე Thriller-ის ოთხი სინგლი, იგი აშშ-ში საუკეთესო ათეულში მოხვდა, მიაღწია „ბილბორდის“ ჩარტის Hot Adult Contemporary #2 პოზიციამდე და #7 ადგილამდე ცხელ ასეულში. კანადაში და ნიდერლანდები სინგლი #11 იყო. ბრიტანეთში იგი არ გამოცემულა. კრიტიკოსებმა სიმღერა დადებითად შეაფასეს. შემდგომში მისი საკუთარი ვერსია ჩაწერა ან სემპლის სახით გამოიყენა მრავალმა შემსრულებელმა, რომელთა შორის არიან სტივი უანდერი, ვიჯეი იიერი, ჯონ მაიერი, მაილზე დეივისი, SWV, ELEW, Nas, 2Cellos, ბენს პიტერი, ჯეისონ ნევიჯნსი, დენი სუეინი, დევიდ მიდი, ტორო ი მუა და კრის ბრაუნი. SWV-ის სინგლი „Right Here (Human Nature Remix)“, რომელშიც გამოყენებულია სემპლი „Human Nature“-იდან, მოხვდა „ბილბორდის“ ცხელი ასეულის #2 პოზიციაზე.[4]