Cruel Summer (ალბომი)

Cruel Summer
კომპილაციური ალბომი — GOOD Music
გამოცემის თარიღი	14 სექტემბერი, 2012
ჩაიწერა	2011-2012
ჟანრი	ჰიპ-ჰოპი
ხანგრძლივობა	54:31
ლეიბლი	GOOD Music Def Jam Recordings
პროდიუსერი	Kanye West Andrew "Pop" Wansel Anthony Kilhoffer Boogz & Tapez Dan Black Hit-Boy Hudson Mohawke Illmind Jeff Bhasker Ken Lewis Lifted Mano Mannie Fresh Mike Dean Oakwud Tommy Brown Travis Scott The Twilite Tone Young Chop
კანიე უესტი — ქრონოლოგია
Watch the Throne Cruel Summer Yeezus

Kanye West Presents: GOOD Music – Cruel Summer,ხშირად მხოლოდ Cruel Summer-ად წოდებული – კომპილაციური ალბომი, რომელიც შექმნილია ამერიკული ჩამწერი ლეიბლის, GOOD Music, შემსრულებლების მიერ და გამოვიდა 2012 წლის 14 სექტემბერს, თავად ლეიბლისა და მისი მშობელი კომპანიის, Def Jam Recordings-ის მიერ. GOOD Music-ის დამფუძნებელმა, ამერიკელმა რეპერმა კანიე უესტმა, ლეიბლის ერთობლივი ალბომის გეგმები პირველად 2011 წლის ოქტომბერში გაამხილა. მას წინ უძღოდა ოთხი სინგლი — „Mercy“, „Cold“, „New God Flow“ და „Clique“, რომლებმაც არაერთგვაროვანი წარმატება მოიპოვა აშშ-ის Billboard Hot 100 ჩარტში.

ალბომში მონაწილეობენ თავად უესტი, ლეიბლის მაშინდელი წევრები: პუშა ტი, ბიგ შონი, ტეიანა ტეილორი, კიდ კუდი, ჯონ ლეჯენდი, კომონი, დ’ბანჯი და მალიკ იუსეფი, ასევე, ჯეი-ზი, 2 Chainz, ტრევის სკოტი, საიჰი ზე პრინსი და სხვა. Cruel Summer ძირითადად წარმოებულია GOOD Music-ის საპროდიუსერო ფრთის, Very GOOD Beats, წევრების მიერ, მათ შორის იყვნენ უესტი, Hit-Boy, ჰადსონ მოჰოუკი, ტრევის სკოტი და Lifted.

ალბომმა კრიტიკოსებისგან „საკმაოდ ნელთბილი რეაქცია“ მიიღო,რომლებმაც მოიწონეს მისი ამპარტავანი სტილი და უესტის მონაწილეობით შექმნილი ტრეკები, თუმცა, როგორც ალბომი, არათანაბრად მიიჩნიეს. დებიუტი აშშ Billboard 200-ის მეორე ადგილზე შეასრულა, პირველივე კვირაში 205,000 ეგზემპლარი გაიყიდა. ალბომმა ასევე მიაღწია ავსტრალიის, კანადის, შვეიცარიისა და გაერთიანებული სამეფოს ჩარტების ტოპ 10-ს. Nielsen SoundScan-ის მონაცემებით, 2012 წლის 4 ნოემბრის მონაცემებით, Cruel Summer-ის 389,000 ეგზემპლარი გაიყიდა.