Avant que l’ombre… — ფრანგი მომღერალ მილენ ფარმერის მეექვსე სტუდიური ალბომი, რომელიც გამოიცა 2005 წელს.[3] სიმღერების უმრავლესობა აკუსტიკურ ბალადას წარმოადგენს. ალბომის მხარდასაჭერად გამოვიდა 5 სინგლი, რომლებიც შევიდნენ ფრანგული სიმღერების ტოპ-ათეულში. მათ შორის, სკანდალური Fuck Them All და L'amour n'est rien....
Avant que l'ombre ჩაიწერა მომღერლის კარიერაში ექვსწლიანი პაუზის შემდეგ. ალბომი გახდა ყველაზე მოლოდინით სავსე ფარმერის დისკოგრაფიიდან. ინფორმაცია ახალ ფირფიტაზე გავრცელდა ჯერ კიდევ 2003 წელს, რომ ლეიბლი Universal გამოუშვებდა თუმცა გამოშვებული იქნა რემიქსების ალბომი. 2004 წელს Universal-ის პრეზიდენტმა აღნიშნა, რომ ფარმერი მუშაონდა ახალ სიმღერებზე.[4][5]
2004 წელის დეკემბერში, მილენ ფარმერმა მუსიკოს ლორან ბუტონთან გამართა პრეს-კომფერენცია. სადაც აღნიშნა ახალი ალბომის გამოსვლის, სახელწოდებისა და კონცერტის შესახებ. ალბომში შევიდა 14 კომპოზიცია, ასევე ბონუს სიმღერა Nobody knows. ფარმერმა უარი თქვა ამერიკელ პროდიუსერებთან თანამშრომლობაზე, რომლებიც ადრე მუშაობდნენ ალბომზე Anamorphosée.[6] პირველი სინგლი გახდა სიმღერა Fuck Them All.[7] ალბომის ვიზუალური მხარე გამოვიდა ტრიპტიქის სახით (ერთი იდეით გაერთიანებული სამი ნაწილი). ბუკლეტის ფოტო გადაიღო დომინიკ ისერმანმა.[8] ალბომის ყდაზე, ფარმერი წითელ ფონზეა გამოსახული. საყურადღებოა ასევე ასანთის ხოჯებით შექმნილი ჯვარი.[9]
28 მარტს გამოცხადდა კონკურსი ფრანგული რადიო NRJ-ის მიერ, რომლის გამარჯვებულებსაც შეეძლოთ მოესმინათ Avant que l'ombre პასკალ ნეგრთან და მილენთან ერთად.[10] ალბომი გამოვიდა ორჯერ: 4 აპრილს collector და 18 აპრილს კი სტანდარტული გამოშვება. ალბომის მხარდასაჭერად გაიმართა 13 კონცერტი ბერსში.[11]
ლორან ბუტონის თქმით Avant que l'ombre... არის აკუსტიკური და ელექტრონული ჟღერადობის ვიდრე ფარმერის წინა ალბომები, რომელზეც იგი მუშაობდა.[12][13] აკუსტიკური ბგერები გაერთიანებულია ელექტრონულ მუსიკასთან. ფარმერის ვოკალი უფრო მსუბუქი და სევდიანი ინტონაციით სრულდება.[14]Avant que l'ombre...-ში ლორან ბუტონი იყენებს ახალ მუსიკალურ ინსტრუმენტებს: კლარნეტი (სიმღერაში Redonne-Moi), ვიბრაფონი (სიმღერაში Avant Que l'Ombre).[15] ალბომი მოგვითხრობს ისეთ თემებზე როგორიცაა სექსი, სიკვდილი და რელიგია.[16] სიმღერის ტექსტები დამძაბველი, მნიშვნელოვანი და ზოგან იუმორისტულია.[17] ალბომის შესახებ ფარმერმა დაამატა: მე ძალიან ეგოისტურად ვაგრძელებ საუბარს საკუთარ თავზე, საკუთარ სიბნელეზე და სინათლეზე.[18][19]
↑Télé Cable Satellite No. 769, იანვარი 24, 2005, "Un nouvel album après 5 ans de silence — Mylène Farmer sort de l'ombre" Milenia.ifrance.comდაარქივებული 2008-07-23 საიტზე Wayback Machine. (Retrieved თებერვალი 22, 2008)