artRave — ამერიკელ პოპ მომღერალ ლედი გაგას ორ დღიანი ღონისძიება, მესამე სტუდიური ალბომის ARTPOP (2013) მხარდასაჭერად. ღონისძიება დაიწყო 2013 წლის 10 ნოემბერს ალბომის გამოცემიდან ერთი დღით ადრე და დასრულდა მეორე დღეს. ღონისძიება გაიმართა ნიუ-იორკშიბრუკლინის ნავსადგურში, რომელიც მოიცავდა აბომის გამოშვების წვეულებას, პრეს-კონფერენციას, გამოფენას და მინი კონცერტს. პრეს კონწერენციის დროს გაგამ ჟურნალისტებს წაუდგინა პირველი მფრინავი კაბა Volantis და ასევე დაადასტურა კოსმოსში პერფომანსი რომელიც მოგვიანებით ტექნიკური ხარვეზების გამო გაუქმდა. გამოფენაზე წარმოდგენილი იყო ჯეფ კუნსის ახალი სკულფტურები მათ შორის გაგას გიგანტური სკულფტურა, ფოტოგრაფ დუეტ ინეზ და ვინუტის მოდის ფილმი, მარინა აბრამოვიჩის სამკუტნალო მეთოდის ვიდეო პროექტო და ამერიკელი დრამატურგისა და რეჟისორის რობერტ ვილსონის პორტრეტები გაგას მონაწილეობით.
თავდაპირველად ღონისძიება უნდა დაეფინანსებინა American Express-ს თუმცა მათ ბოლო მომენტში გადაიფიქრეს დაფინანსება. მინი კონცერტის პირდაპირ ტრანსლაცია მიმდინარეობდა მუსიკალური ვიდოების პლათფორმაზე Vevo, კონცერტზე გაგამ შეასრულა სიმღერები მხოლოდ ახალი ალბომიდან. 11 ნოემბერს აშშ-ის 150-ზე მეტ რადიო სადგურში გადაიცა კონცერტის აუდიო ჩანაწერი და გაგას ინტერვიუ რადიო წამყვან რაიან სიკრესტთან ერთად. ხოლო 19 ნოემბერს ტელეკომპანია The CW-ს ეთერში ნაჩვენები იქნა მთლიანი კონცერტის ჩანაწერი. ღონისძებამ კრიტიკოსების მხრიდან დადებითი გამოხმაურება დაიმსახურა, კერძოდ კი მათ ხაზი გაუსვეს გაგა შესრულებას და ენთუზიაზმს.
