Amanita beckeri
| Amanita beckeri | |||||||||||||||
|---|---|---|---|---|---|---|---|---|---|---|---|---|---|---|---|
|
| |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Amanita beckeri Huijsman 1962 | |||||||||||||||
| |||||||||||||||
Amanita beckeri — სოკოს სახეობა ამანიტას გვარისა, რომლის გავრცელების არეალი მოიცავს ევროპის კონტინენტს. სოკოს სახელი ეწოდა ჟორჟ ბეკერის პატივსაცემად, რომელმაც პირველმა მოახდინა ამ სოკოს იდენტიფიცირება.[1]
იზრდება ფოთლოვან ტყეებში ზაფხულიდან შემოდგომამდე. პირობითად საჭმელ სოკოა, განსაკუთრებული გემოვნური თვისებების გარეშე. მომზადებამდე აუცილებელი მისი თერმულად დამუშავება.[2]
აღწერა
[რედაქტირება | წყაროს რედაქტირება]ქუდის დიამეტრი 6-დან 12 სმ-მდე მერყეობს. თავდაპირველად ნახევარსფეროსებრი ფორმისაა, შემდეგ გაშლილი, ჟანგმიწისფერ-ყავისფერი. ზედაპირზე ხშირად რჩება თეთრი საბურველის ნარჩენები. კიდეები დაღარულია.
ჰიმენოფორი — ფირფიტებიანი, თავისუფალი, თეთრიდან კრემისფერამდე, საკმაოდ ვიწრო, ჩაზნექილი, განსაკუთრებით ახალგაზრდა ეგზემპლარებში. ასაკთან ერთად ფირფიტებზე შეიძლება გაჩნდეს მოყავისფრო ლაქები. მოკლე ფირფიტები მცირერიცხოვანია და შეკვეცილი.[3]
რბილობი — თეთრი, მკვრივი, მოგვიანებით ფუყე,[3] განსაკუთრებული გემოს ან სუნი გარეშე.[4]
ფეხის სიგრძე — 10-12 სმ, სიგანე — 1,2-2 სმ, თეთრი, თითქმის ცილინდრული, როგორც წესი, დაფარულია ფანტელისებრი თეთრი საბურველის ნარჩენებით, რომელიც ასაკთან ერთად ყავისფერდება. ფეხი ჩამჯდარია ვოლვაში. არც თუ ისე მაღალი ვოლვა ახალგაზრდობაში თეთრია, შემდეგ კი მოყავისფრო ელფერს იძენს.[2]
სპორების ფხვნილი — თეთრი, სპორები — 9,5–10,5 მკმ. სფეროსებრი, ზოგჯერ ფართოელიფსისებრი, არაამილოიდური.[3]
გავრცელება და ეკოლოგია
[რედაქტირება | წყაროს რედაქტირება]Amanita beckeri იზრდება ფოტლოვან ტყეებში. მიკორიზას წარმოქმნის მუხასთან და სხვა ფოთლოვან სახეობებთან.[5] უპირატესობას ანიჭებ თბილ კირქვიან ნიადაგს. გავრცელების არეალი მოიცავს ევროპის კონსტინენტს, განსაკუთრებით ხმელთაშუაზღვისპირეთს.
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „Amanita beckeri“ ვიკისაწყობში.
ვიკისახეობებს აქვს გვერდი თემაზე Amanita beckeri- Amanita beckeri MycoBank-ზე (ინგლისური)
სქოლიო
[რედაქტირება | წყაროს რედაქტირება]- ↑ Amanita beckeri in MycoBank en. ციტირების თარიღი: 22 ივლისი, 2025.
- 1 2 BEKEROVA PRESLICA — Amanita beckeri Huijsman Chroatian. Cromushrooms.eu. ციტირების თარიღი: 22 ვილისი, 2025.
- 1 2 3 Amanita beckeri Huijsman. Amanitaceae.Org. დაარქივებულია ორიგინალიდან — 2024-12-28. ციტირების თარიღი: 22 ივლისი, 2025.
- ↑ Cetto, Bruno. (1987). Guia de los hongos de Europa. Ediciones Omega, S. A. Barcelona, 23 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Mogyoróbarna selyemgomba - Amanita beckeri Hungarian. miskolcigombasz.hu. დაარქივებულია ორიგინალიდან — 2021-02-27. ციტირების თარიღი: 22 ივლისი, 2025.