ABC-ის კუნძულები, ალასკა
კოორდინატები: 57°24′00″N 134°43′59″W / 57.4° ჩ. გ. 134.733° დ. გ.
ABC-ის კუნძულები — სასაუბრო სახელწოდებაა ალასკის კუნძულებისთვის: ადმირალტის, ბარანოფისა და ჩიჩაგოვას, რომლებიც მდებარეობს ალექსანდრეს არქიპელაგის ჩრდილოეთ ნაწილში და ტონგასის ეროვნული ტყის შემადგენლობაში შედის. ეს კუნძულები ცნობილია თავისი ველური ბუნებითა და ცხოველთა სამყაროთი, მათ შორის მურა დათვების დიდი პოპულაციით.[1]
ეკოლოგია და ველური ბუნება
[რედაქტირება | წყაროს რედაქტირება]_(7a566de5-ee8c-4959-b807-65decb2abf46).jpg)
ადმირალტის კუნძულის ნაყოფიერი ტროპიკული ტყის მცენარეულობაში დომინირებს დასავლური ჰემლოკი, სიტკის სოჭი და დასავლური წითელი კედარი; ველური ბუნება კი მდიდარია მურა დათვით, თეთრთავა ფსოვით, ორაგულის, ვეშაპებისა და ირმების მრავალი სახეობით.
ადმირალტის კუნძულზე ჩრდილოეთ ამერიკაში მურა დათვების ყველაზე დიდი პოპულაციაა. სავარაუდოდ, კუნძულზე დაახლოებით 1,600 მურა დათვი ბინადრობს, რაც მოსახლეობის ოდენობას თითქმის სამჯერ აღემატება. აქ უფრო მეტი მურა დათვია, ვიდრე შეერთებული შტატების მთელ კონტინენტურ ნაწილში, და მსოფლიოში ერთ-ერთი ყველაზე დიდი პოპულაციაა თეთრთავა ფსოვებისაც.[2]
ბარანოფის კუნძული გამოირჩევა მრავალფეროვანი ეკოსისტემით, რომელიც ძირითადად მოიცავს როგორც ხმელეთის, ისე ზღვის ძუძუმწოვრებს.[3] ყველაზე გამორჩეული სახეობებია მურა დათვები, სიტკას ირემი, ზღვის წავი, ზღვის ლომები, დელფინები, ზღვის ღორები, მთის თხები და კუზიანი ვეშაპები. ზღვის ძაღლი, რომელიც ამ რეგიონში ზღვის ლომების ყველაზე მნიშვნელოვანი სახეობაა, ბარანოფის კუნძულის სამხრეთ ნაწილს იყენებს გასამრავლებლად. ეს ტერიტორია ალასკის საზღვაო ველური ბუნების ეროვნული ნაკრძალის დაცული ტერიტორიას წარმოადგენს და იგი სამხრეთ-აღმოსავლეთ ალასკაში ზღვის ლომების გამრავლების ხუთი ზონიდან ერთ-ერთია.[3]
ბარანოფის კუნძულზე თოვლა თხების პოპულაციის შემცირებამ მკვლევრები აიძულა დაეწყოთ მათი მონიტორინგი, რათა დაედგინათ პოპულაციის გამრავლების საუკეთესო გზები. თავდაპირველად ითვლებოდა, რომ თოვლა თხები კუნძულზე ბუნებრივად არ ბინადრობდნენ და ისინი მეზობელი კუნძულებიდან იყვნენ გადმოსულნი. თუმცა, კვლევებმა აჩვენა, რომ შესაძლოა ბარანოფის კუნძულზე ბინადრობდა ძირძველი თოვლა თხის სახეობა, რადგან დღევანდელი თოვლა თხების სახეობა ორ განსხვავებულ გენეტიკურ ხაზამდე მიდის.[4]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Schoen, John W.; Gende, Scott (2016). „6 Brown Bear“, Ecological Atlas of Southeast Alaska (PDF), Audubon Alaska, გვ. 160–163.
- ↑ Admiralty Island National Monument. United States Forest Service.
- 1 2 State of Alaska, Department of Fish and Game. (2022-10-23) Virtual Wildlife Viewing - Podcasts, Alaska Department of Fish and Game en. ციტირების თარიღი: 2022-10-23
- ↑ White, Kevin; Mooney, Phil. (2022-10-23) Mountain Goat Research in Alaska, Alaska Department of Fish and Game en. ციტირების თარიღი: 2022-10-23