17 თებერვალი – თბილისის საქალაქო სასამართლომ ოპოზიციური პარტია „ერთიანი ნაციონალური მოძრაობის“ თავმჯდომარეს, ნიკა მელიას, წინასწარი პატიმრობა შეუფარდა მას შემდეგ, რაც მან გირაოს გადახდაზე უარი თქვა. მას ბრალად ედება 2019 წლის პროტესტის დროს ჯგუფური ძალადობის ორგანიზება, ხელმძღვანელობა ან მასში მონაწილეობა.
18 თებერვალი – პრემიერ-მინისტრი გიორგი გახარია თანამდებობიდან გადადგა. მიზეზად მან პარტიის წევრებთან უთანხმოება დაასახელა, რაც ნიკა მელიას დაკავების ბრძანების აღსრულებას უკავშირდებოდა. გახარიას განცხადებით, პოლიტიკური კრიზისის ფონზე ოპოზიციის ლიდერის დაკავება ქვეყანაში შემდგომი დესტაბილიზაციის საფრთხეს ქმნიდა.
23 თებერვალი – პოლიციამ „ერთიანი ნაციონალური მოძრაობის“ ოფისში, სადაც სასამართლოს გადაწყვეტილების შემდეგ ოპოზიციის ლიდერები და მხარდამჭერები იყვნენ შეკრებილნი, შტურმი მიიტანა და ნიკა მელია დააკავა.
19 აპრილი – რამდენიმე ოპოზიციურმა პარტიამ და „ქართულმა ოცნებამ“ ხელი მოაწერეს ევროპული საბჭოს პრეზიდენტის, შარლ მიშელის მედიაციით შემუშავებულ შეთანხმებას, რითაც დასრულდა მრავალთვიანი პოლიტიკური ჩიხი, რომელიც 2020 წლის საპარლამენტო არჩევნებს მოჰყვა.[4][5]
21 აპრილი – პრეზიდენტმა სალომე ზურაბიშვილმა განაცხადა, რომ „მთავარი არხის“ მეწილეს, გიორგი რურუას, 2021 წლის 27 აპრილს შეიწყალებდა.[6]
5 ივლისი – ათასობით ადამიანი შეიკრიბა ლგბტ პრაიდის პარადის გასაპროტესტებლად და მისთვის ხელის შესაშლელად. მოვლენების პირდაპირ ეთერში გასაშუქებლად მისულ მედიის წარმომადგენლებსა და კონტრდემონსტრანტებს შორის შეტაკებები მოხდა, რის შედეგადაც 53 ჟურნალისტი დაშავდა. ორგანიზატორებმა, საბოლოოდ, ღონისძიება გააუქმეს.
28 ივლისი – „ქართულმა ოცნებამ“ დატოვა აპრილში ოპოზიციასთან გაფორმებული შეთანხმება. მიზეზად მმართველმა პარტიამ „ერთიანი ნაციონალური მოძრაობის“ მეთაურობით მოქმედი „რადიკალური ოპოზიციის“ მიერ დოკუმენტზე ხელმოწერაზე უარი დაასახელა.
1 ოქტომბერი – ყოფილი პრეზიდენტი მიხეილ სააკაშვილი, რომელსაც 2018 წელს დაუსწრებლად მსჯავრი დაედო სამსახურებრივი უფლებამოსილების ბოროტად გამოყენების ბრალდებით და ექვსი წლით თავისუფლების აღკვეთა მიესაჯა, რვაწლიანი ემიგრაციის შემდეგ საქართველოში დაბრუნდა. შინაგან საქმეთა სამინისტრო თავდაპირველად აცხადებდა, რომ სააკაშვილს ქვეყნის საზღვარი არ გადმოუკვეთავს, თუმცა მოგვიანებით პრემიერ-მინისტრმა ირაკლი ღარიბაშვილმა პრესკონფერენციაზე მისი დაკავება გამოაცხადა.
2 ოქტომბერი – ჩატარდა ადგილობრივი თვითმმართველობის არჩევნები. „ქართულმა ოცნებამ“ პროპორციულ ნაწილში ხმების თითქმის 47% მოიპოვა, ხოლო 20 ქალაქსა და მუნიციპალიტეტში მერის არჩევნების მეორე ტური დაინიშნა.
2 ოქტომბერი – სახალხო დამცველი ნინო ლომჯარია ციხეში მიხეილ სააკაშვილს ესტუმრა. მისი განცხადებით, სააკაშვილი თავს პოლიტიკურ პატიმრად მიიჩნევს და შიმშილობას იწყებს.
14 ოქტომბერი – თბილისის ცენტრში, თავისუფლების მოედანზე, ათობით ათასი ადამიანი შეიკრიბა სააკაშვილის გათავისუფლების მოთხოვნით.
30 ოქტომბერი – დაძაბულ მეორე ტურში მმართველმა პარტიამ 20-დან 19 მუნიციპალიტეტში მერის არჩევნები მოიგო.
