21 მარტი – საქართველოს პარლამენტი ახდენს აშშ-საქართველოს სამხედრო შეთანხმების რატიფიცირებას, რაც აშშ-ის შეიარაღებულ ძალებს საშუალებას აძლევს, ისარგებლონ საქართველოში არსებული ურთიერთშეთანხმებული ობიექტებით.
23–24 მარტი – საქართველოს ეროვნული გვარდიის 30-მდე ყოფილი სამხედრო მოსამსახურე ამბოხებას ცდილობს, ოფიციალური ვერსიით – მათი მძიმე სოციალური პირობებისადმი ყურადღების მისაქცევად, თუმცა საბოლოოდ ისინი საქართველოს პოლიციას ჩაბარდნენ.
7 აპრილი – საქართველოს მოქალაქეთა კავშირი, სოციალისტური პარტია და ახლად დაფუძნებული პოლიტიკური მოძრაობა „დიდი აბრეშუმის გზა“ ერთიანდებიან შევარდნაძის მომხრე ბლოკში – „ახალი საქართველოსთვის“, რათა ნოემბრის საპარლამენტო არჩევნებში მიიღონ მონაწილეობა.
5 ივნისი – საქართველოში გაერო-ს დამკვირვებელთა მისიის (UNOMIG) სამი თანამშრომელი და ერთი ქართველი თარჯიმანი გაიტაცეს კოდორის ხეობაში – სეპარატისტული აფხაზეთის ერთადერთ ნაწილში, რომელსაც მეტ-ნაკლებად საქართველო აკონტროლებდა. ისინი 10 ივნისს უვნებლად გაათავისუფლეს.
1 ივლისი – საქართველო და რუსული ენერგოგიგანტი „გაზპრომი“ ხელს აწერენ 25-წლიან შეთანხმებას სტრატეგიული თანამშრომლობის შესახებ.
3 აგვისტო – საქართველო აგზავნის თავის პირველ სამხედრო შენაერთს ერაყში, ქალაქ თიქრითში განსათავსებლად.
10 სექტემბერი – თბილისთან ახლოს მდებარე რუსთავის მკაცრი რეჟიმის საპყრობილიდან 129 პატიმარი გარბის, რის დროსაც ერთი ციხის გუშაგი დაიღუპა, ხოლო მეორე დაიჭრა. ეს იყო საქართველოს ისტორიაში პატიმართა ყველაზე მასშტაბური გაქცევა, რამაც იუსტიციის მინისტრის, როლანდ გილიგაშვილის გადადგომა გამოიწვია.
2 ნოემბერი – საქართველოში, ქაოსური კენჭისყრის ფონზე, ტარდება საპარლამენტო არჩევნები პარლამენტართა რაოდენობის 235-დან 150-მდე შემცირების შესახებ რეფერენდუმის პარალელურად.
22 ნოემბერი – მიხეილ სააკაშვილის ხელმძღვანელობით, საქართველოს ოპოზიციის მხარდამჭერები მთავრობისა და პარლამენტის შენობებზე კონტროლს ამყარებენ, რასაც წინ უძღოდა არჩევნების გაყალბების წინააღმდეგ გამართული მასობრივი პროტესტის სამი დაძაბული კვირა.
23 ნოემბერი – მასობრივი ოპოზიციური პროტესტის ფონზე პრეზიდენტი შევარდნაძე თანამდებობიდან გადადგა. ეს მოვლენა ისტორიაში ვარდების რევოლუციის სახელით შევიდა. პრეზიდენტის მოვალეობის შემსრულებელი ხდება ძველი მოწვევის პარლამენტის თავმჯდომარე ნინო ბურჯანაძე.
23 ნოემბერი – შევარდნაძის მხარდამჭერი ასლან აბაშიძე აჭარის რეგიონში საგანგებო მდგომარეობას აცხადებს.
25 ნოემბერი – საქართველოს ძველი მოწვევის პარლამენტი რიგგარეშე საპრეზიდენტო არჩევნებს 2004 წლის 4 იანვრისთვის ნიშნავს.
.svg)