15 იანვარი – შინაგან საქმეთა მინისტრ კობა ნარჩემაშვილის პირადი ზედამხედველობით, საქართველოს პოლიციამ ჩეჩნეთის საზღვართან მდებარე პანკისის ხეობაში ანტიკრიმინალური ოპერაციის პირველი ეტაპი დაიწყო.
2 მარტი – საქართველოს სეპარატისტულ აფხაზეთში გაიმართა საპარლამენტო არჩევნები, რომელიც საერთაშორისო თანამეგობრობამ ლეგიტიმურად არ ცნო.
2 აპრილი – საქართველო თანხმდება კოდორის ხეობიდან თავდაცვის სამინისტროს ჯარების გაყვანაზე. ეს იყო აფხაზეთის ერთადერთი ნაწილი, რომელიც მეტ-ნაკლებად საქართველოს კონტროლის ქვეშ იმყოფებოდა.
25 აპრილი – თბილისში მოხდა 4.8 მაგნიტუდის სიმძლავრის მიწისძვრა, რომლის მაქსიმალური ინტენსივობა MSK სკალით 7–8 ბალს (ძალიან ძლიერი – დამაზიანებელი) შეადგენდა. სტიქიამ 5–6 ადამიანის სიცოცხლე იმსხვერპლა, ხოლო 52–70 ადამიანი დაშავდა. ზარალი 160–350 მილიონ დოლარად შეფასდა.
27 მაისი – საქართველოს შეიარაღებულ ძალებში აშშ-ის მიერ დაფინანსებული „წვრთნისა და აღჭურვის“ პროგრამა დაიწყო.
2 ივნისი – საქართველოში ადგილობრივი თვითმმართველობის რიგით მეორე არჩევნები ჩატარდა.
19 აგვისტო – საქართველოს პრეზიდენტმა ედუარდ შევარდნაძემპანკისის ხეობაში ფართომასშტაბიანი „ანტიკრიმინალური და ანტიტერორისტული ოპერაციის“ დაწყება გამოაცხადა.
23 აგვისტო – რუსულმა გამანადგურებლებმა ჩეჩნეთის მოსაზღვრე ქართული სოფლები დაბომბეს, რის შედეგადაც ერთი მშვიდობიანი მოქალაქე დაიღუპა, რამდენიმე კი დაშავდა. ეუთოს სადამკვირვებლო მისიამ ფაქტი ოფიციალურად დაადასტურა, თუმცა რუსულმა მხარემ ის უარყო.
14 ოქტომბერი – მცხეთაში, სვეტიცხოვლის საკათედრო ტაძარში, პრეზიდენტმა შევარდნაძემ და სრულიად საქართველოს კათოლიკოს-პატრიარქმა ილია II-მ ხელი მოაწერეს კონსტიტუციურ შეთანხმებას (კონკორდატს) სახელმწიფოსა და საქართველოს მართლმადიდებელ ეკლესიას შორის.
22 ნოემბერი – პრაღაში, ევროატლანტიკური პარტნიორობის საბჭოს სხდომაზე, პრეზიდენტმა შევარდნაძემ გააკეთა ოფიციალური განაცხადი საქართველოს ნატო-ში გაწევრიანების შესახებ.
.svg)