ჰოხვანერი
ჰოხვანერი— 2744 მეტრის (9 003 ფუტი) სიმაღლის მთა გერმანიაში. [1] გერმანიის მეორე უმაღლესი მთა ცუგშპიცეს შემდეგ[2] (თუ ოდნავ უფრო მაღალ შნეეფერნერკოპფს მხოლოდ ცუგშპიცეს ქვე-მწვერვალად ჩავთვლით).
ჰოხვანერი არის უმაღლესი მწვერვალი ვეტერშტაინის მთავარ ქედზე (ვეტერშტაინჰაუპტკამი), რომელიც გადის გატერლიდან ზედა ვეტერშტაინშპიცემდე (ობერენ ვეტერშტაინშპიცე) მიტენვალდის ზემოთ აღმოსავლეთ-დასავლეთის მიმართულებით. ჰოხვანერის მასივიდან იშლება ულამაზესი ხედი რაინის ხეობაზე (რაინტალი), ავსტრიის ლოიტაშის ხეობაზე, გაისის ხეობაზე, ცუგშპიცეზე, მიმინგის ქედზე, იუბილეუმსგრატზე, კარვენდელის მთებზე და შორს ცენტრალურ ალპებში.
მიუხედავად იმისა, რომ არის გერმანიის მეორე უმაღლესი მწვერვალი და აქვს „ჩრდილოეთის კედელი“, რომელიც დაახლოებით 1500 მეტრით ეშვება (ერთ-ერთი უმაღლესი კლდოვანი კედელი მთელ ჩრდილოეთ კირქვიან ალპებში), ჰოხვანერი დარჩა შედარებით უცნობ მთად. ეს გამოწვეულია მისი შედარებით ძნელად მისაწვდომი მდებარეობით, რომელიც არის ალპშპიცეს უკან და ჰიოლენტალშპიცეს მიერ დაფარული. უფრო ფართოდ ცნობილი, მაგრამ დაბალი ვაცმანი ხშირად არასწორად მოიხსენიება როგორც გერმანიის მეორე უმაღლესი მთა.
უმარტივესი მარშრუტი მწვერვალზე არის სამხრეთიდან როტმოოსალმიდან (3 საათი) ან გატერლიდან. ზოგგან ბილიკის გარეშე ან მხოლოდ სუსტი ბილიკით, ის თავდაპირველად გადის ციცაბო ბალახოვან მდელოებზე, შემდეგ მოკლე კლდოვან აღმართზე (I კატეგორია UIAA სკალით) და შემდეგ ძირითადად ციცაბო, დამღლელ ქვიშოვან ფერდობებზე მწვერვალამდე. მარშრუტი მწირედ არის აღნიშნული ქვის პირამიდებით. ჩრდილოეთის კედელი ძალიან გრძელი აღმართია.
პირველად ჰოხვანერზე ავიდა ჰერმან ფონ ბარტი 1870 წელს.
- ↑ Hochwanner 2744 m დაარქივებული 2016-03-03 საიტზე Wayback Machine. at www.bergeberge.de. Accessed on 10 Feb 2010.
- ↑ Hochwanner - holiday Germany at en.tixik.com. Accessed on 10 Feb 2010.