ჰირაი მომო
| ჰირაი მომო | |
|---|---|
 | |
| ბიოგრაფია | |
| დაბ. თარიღი | 9 ნოემბერი, 1996[1] (29 წლის) |
| დაბ. ადგილი | 京田辺市 |
| ეროვნება | იაპონელები[2] |
| ხელმოწერა |
 |
| ჰირაი მომო ვიკისაწყობში | |
ჰირაი მომო (იაპ.平井 もも; დაბ. 9 ნოემბერი, 1996) — ცნობილი როგორც მომო (კორ. 모모; იაპ. モモ), იაპონელი მომღერალი, მოცეკვავე და რეპერი, სამხრეთ კორეაში. არის სამხრეთკორეული გოგონათა ჯგუფის Twice-ის წევრი, კომპანია JYP Entertainment-ის ქვეშ. ასევე არის Twice-ის ქვედანაყოფი ჯგუფის, MiSaMo-ს წევრი.
ცხოვრება და კარიერა
[რედაქტირება | წყაროს რედაქტირება]ადრეული ცხოვრება დებიუტამდე
[რედაქტირება | წყაროს რედაქტირება]ჰირაი მომო დაიბადა კიოტანაბეში, კიოტოში, იაპონია. სამი წლის ასაკში დაიწყო ცეკვა, თავის უფროს და-ჰანასთან ერთად. ადრევე გაიგო სამხრეთკორეული მუსიკალური ინდუსტრიის შესახებ, 2008 წელს გამოჩნდა Lexy-ის მუსიკალურ ვიდეოში და 2011-ში - ტალანტ-შოუში, Superstar K. მომო და მისი და თავდაპირველად, ონლაინ ვიდეოში შეამჩნია JYP Entertainment-მა, 2012 წელს. ორივე მათგანმა გაიარა აუდიცია, მაგრამ, წარმატებით მხოლოდ მომომ, რის შემდეგაც იგი 2012 წლის აპრილში გადმოვიდა სამხრეთ კორეაში. Twice-ში გაწევრიანებამდე, არაერთ მუსიკალურ ვიდეოში იცეკვა, როგორც ქეი-პოპის ახალბედამ. 2015 წელს მომომ მონაწილეობა მიიღო სამხრეთ კორეის რეალით სატელევიზიო შოუში, Sixteen, შექმნილი JYP Entertainment და Mnet-ის მიერ. იგი თავდაპირველად შოუს გამოეთიშა, მაგრამ, მისი პერფორმანსის ნიჭის გამო, პაკ ჯინ-იანგმა დააბრუნა, გოგონათა ჯგუფის Twice-ის საბოლოო შემადგენლობაში მისაღებად.
დებიუტი-Twice და MiSaMo
[რედაქტირება | წყაროს რედაქტირება]
2015 წლის ოქტომბერში, მომომ ოფიციალურად შეასრულა დებიუტი, როგორც Twice-ის წევრი, პირველი EP-ის, "The Story Begins" და მთავარი სინგლის "Like Ooh-Ahh" გამოშვებით. 2023 წლის 9 თებერვალს, JYP-მ განაცხადა, რომ მომო, ჯგუფის თანაგუნდელებთან, სანასთან და მინასთან ერთად, ოფიციალურად დადებიუტდებოდა იაპონიაში, 26 ივლისს, MiSaMo-ს EP-ით, სახელად "Masterpiece". ტრიოს დებიუტამდე, 25 იანვარს, გამოუშვეს სიმღერა "Bouquet", როგორც TV Asahi-ის დრამატული სერიალის Liaison: Children's Heart Clinic საუნდტრეკი.
იმიჯი და გავლენა
[რედაქტირება | წყაროს რედაქტირება]მომო ცნობილია საკუთარი ფიზიკური აღნაგობითა და ცეკვის სტილით. მას თაყვანისმცემლებმა მეტსახელად "Dance Machine" შეარქვეს, და ითვლება Twice-ის საუკეთესო მოცეკვავედ.
Gallup Korea-ს 2018 წლის ყოველწლიურ მუსიკალურ გამოკითხვაში, მომო მე-20 ყველაზე პოპულარულ აიდოლად და მეორე ყველაზე მაღალი რანგის იაპონელ ინდივიდად დასახელდა სამხრეთ კორეაში, Twice-ის თანაჯგუფელის, სანას შემდეგ. მომო იყო ერთ-ერთი ყველაზე პოპულარული არაკორეელი ქეი-პოპ ვარსკვლავი, მისი დებიუტის შემდეგ. The Chosun Ilbo მის პოპულარობას სამხრეთ კორეასა და იაპონიას შორის ურთიერთობების გაუმჯობესებას მიაკუთვნებს. 2019 წელს, მომომ ყურადღება მიიპყრო Twitter-ზე, მას შემდეგ, რაც მისი ვიდეო თრეილერი გამოქვეყნდა "Feel Special"-ისთვის და ჯარისკაცების გამოკითხვაში მე-10 ქალი აიდოლის ტიტული მიიღო. 2023 წელს მან აჯობა ნაომი ვატანაბეს და გახდა პირველი იაპონელი, რომელმაც ინსტაგრამზე 10 მილიონი გამომწერი მოიპოვა მხოლოდ ამ პლატფორმაზე, მისი გვერდის გახსნიდან რვა თვის შემდეგ.