ჰენდრიკ ჩინ ა სენი
| ჰენდრიკ ჩინ ა სენი | |
|---|---|
 | |
| დაბადების თარიღი | 18 იანვარი, 1934[1] |
| დაბადების ადგილი | Albina |
| გარდაცვალების თარიღი | 11 აგვისტო, 1999[1] (65 წლის) |
| გარდაცვალების ადგილი | პარამარიბო |
| მოქალაქეობა |
 სურინამი |
ჰენდრიკ ჩინ ა სენი ( დ. 18 იანვარი, 1934 — გ. 11 აგვისტო, 1999) — სურინამელი პოლიტიკოსი, რომელიც იყო სურინამის პრეზიდენტი 1980 წლის 15 აგვისტოდან 1982 წლის 4 თებერვლამდე.[2]
ბიოგრაფია
[რედაქტირება | წყაროს რედაქტირება]ჩინ ა სენი დაიბადა ქალაქ ალბინაში, 1934 წლის 18 იანვარს. მან მედიცინა შეისწავლა პარამარიბოს სამედიცინო სკოლაში (Geneeskundige School) და დაამთავრა 1959 წელს.[3] 1959-1961 წლებში მან დაიწყო ზოგადი პრაქტიკა, შემდეგ კი გაემგზავრა ნიდერლანდებში ინტერნისტად სპეციალიზაციისთვის. სურინამში დაბრუნების შემდეგ იგი მუშაობდა პარამარიბოს წმინდა ვინსენტის ჰოსპიტალში. შემდეგ იგი შეუერთდა ნაციონალისტურ რესპუბლიკურ პარტიას (PNR), რომელიც სურინამის დამოუკიდებლობისთვის იბრძოდა, თუმცა თავად დიდად აქტიური არ ყოფილა.
1980 წლის 15 მარტს, „სერჟანტთა გადატრიალების“ შემდეგ, რომელმაც ხელისუფლებაში დეზი ბაუტერსე და მისი სამხედრო საბჭო მოიყვანა, ჩინ ა სენი სურინამის პრემიერ-მინისტრად დაინიშნა.[4] პოლიტიკურად არააქტიური ჩინ ა სენის დანიშვნა მოულოდნელი იყო. მან ჩამოაყალიბა მემარცხენე კაბინეტი, რომელშიც შედიოდა ეროვნული სამხედრო საბჭოს (NMR) ორი წევრი და ასევე, გარკვეული დროით, ქალებიც. სიგმიენ პაუერ-სტაპჰორსტი და ნელ სტადვეიკ-კაპელი მინისტრის მოადგილეებად დაინიშნენ, პაუერ-სტაპჰორსტი კი მალევე მინისტრი გახდა. 1980 წლის 15 აგვისტოს, პრეზიდენტ იოჰან ფერიეს გადადგომის შემდეგ, ჩინ ა სენმა პრეზიდენტის თანამდებობაც დაიკავა.
1982 წლის 4 თებერვალს ჩინ ა სენი ბაუტერსემ უთანხმოების გამო თანამდებობიდან გაათავისუფლა. მან თავი ჯერ აშშ-ში, პიტსბურგში შეაფარა,[5] შემდეგ კი ნიდერლანდებში გადავიდა, სადაც 1982 წლის 27 დეკემბერს ჩავიდა.[6] ნიდერლანდებში, 1982 წლის „დეკემბრის მკვლელობების“ შემდეგ, ჩინ ა სენი სურინამის გათავისუფლების საბჭოს თავმჯდომარედ აირჩიეს. საბჭო ეწინააღმდეგებოდა ბაუტერსესა და მისი მომხრეების მმართველობას, მაგრამ დიდად წარმატებული არ ყოფილა. მოგვიანებით ჩინ ა სენი კავშირში იყო რონი ბრუნსვეიკთან და მის „ჯუნგლების კომანდოსთან“ (Jungle Commando), რომელიც ბაუტერსეს წინააღმდეგ შეიარაღებულ ბრძოლას აწარმოებდა.[7]
1985 წლის 7 მარტს ხუთ მუსიკოსს, რომლებიც რეისვეიკის ერთ-ერთ საოფისე შენობაში ვარჯიშობდნენ, შეიარაღებული პირები დაესხნენ თავს. სამი მუსიკოსი მოკლეს. ჩინ ა სენისა და გათავისუფლების საბჭოს ოფისები იმავე სართულზე მდებარეობდა.[8] თავდასხმა, სავარაუდოდ, ჩინ ა სენის წინააღმდეგ იყო მიმართული.[9] თუმცა, ის იმ მომენტში იქ არ იმყოფებოდა. გამოძიება 1997 წელს განახლდა, მაგრამ სისხლისსამართლებრივი დევნა არავის მიმართ არ დაწყებულა.[10]
1995 წელს ჩინ ა სენი დაბრუნდა პარამარიბოში, სადაც განაახლა მუშაობა ინტერნისტად. იგი 65 წლის ასაკში პარამარიბოში გარდაიცვალა.[11]
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- 1 2 Roglo — 1997. — 10000000 ეგზ.
- ↑ „Timeline: Suriname“. BBC News. ციტირების თარიღი: 14 July 2012.
- ↑ Wat gebeurde er in dit jaar in de maand Januari nl. ციტირების თარიღი: 24 December 2021
- ↑ „Chin A Sen onder druk afgetreden“. Reformatorisch Dagblad via Digibron (ნიდერლანდური). 5 February 1982. ციტირების თარიღი: 23 June 2020.
- ↑ Willem Oltmans. (1984) Willem Oltmans in gesprek met Desi Bouterse nl. ციტირების თარიღი: 23 June 2020
- ↑ „Mogelijk regering in ballingschap“. Reformatorisch Dagblad via Digibron (ნიდერლანდური). 28 December 1982. ციტირების თარიღი: 23 June 2020.
- ↑ „De geschiedvervalsing over de PL…. en nu de waarheid“. GFC Nieuws via Nickerie.net. 7 February 2015. ციტირების თარიღი: 23 June 2020.
- ↑ „Reeks aanslagen bleef onopgehelderd“. Reformatorisch Dagblad via Digibron (ნიდერლანდური). 13 July 1985. ციტირების თარიღი: 23 June 2020.
- ↑ Agencias (13 August 1985). „Intento de atentado“. ციტირების თარიღი: 7 January 2010.
- ↑ „Ex-legerleider zou ook betrokken zijn bij drievoudige executie in Rijswijk“. Trouw (ნიდერლანდური). 11 October 1997. ციტირების თარიღი: 23 June 2020.
- ↑ „Arts Premier kon Bouterse niet aan“. Trouw.