ჰაჯი-ისმაილი
ჰაჯი-ისმაილი (დაბადების და გარდაცვალების წლები უცნობია), შეიხი, ეფენდი, იმამი სოფ. ქურდემირიდან (შირვანი). აღმოსავლეთ კავკასიაში მიურიდიზმის (ტარიკათის) ერთ-ერთი პირველი იდეოლოგი. მუსლიმანური თეოლოგიური განათლება ბაღდადში მიიღო. აქედან დაბრუნებული, XIX საუკუნის 20-იანი წლების დასაწყისში შექმნილი ვითარების შესაბამისად, თავის მოწაფე-მიმდევრებთან ერთად (ზოგი მათგანი თვალსაჩინო რელიგიური და სამხედრო-პოლიტიკური მოღვაწე გახდა) ქადაგებდა "კავკასიურ " მიურიდიზმს, რომელმაც მეფის რუსეთის წინააღმდეგ ბრძოლაში ღაზავათი მთავარ პოლიტიკურ-რელიგიურ დოქტრინად გაიხადა.
ლიტერატურა[რედაქტირება | წყაროს რედაქტირება]
- თოფურია პ., ქართული საბჭოთა ენციკლოპედია, ტ. 11, თბ., 1987. — გვ. 610.