Joomla

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ჯუმლა)
გადასვლა: ნავიგაცია, ძიება
Joomla
Joomla!-Logo.svg
JoomlaAdministrator.jpg
Joomla! 3.x-ის სამართავი სივრცე
მწარმოებელი Joomla-ს გუნდი
გამოვიდა აგვისტო 17, 2005; 12 წლის წინ (2005-08-17)
ბოლო გამოშვება 3.8.2 / 7 ნოემბერი 2017; 35 დღის წინ (2017-11-07)[1]
პროგრამირების ენა PHP
ოს სხვადასხვა
პლატფორმა სხვადასხვა
ენა სხვადასხვა
ჟანრი შინაარსის სამართავი სისტემა
ლიცენზია GNU General Public License
საიტი joomla.org

Joomla — უფასო და ღია პროგრამული უზრუნველყოფის საშუალება ინტერნეტ-სივრცისათვის. მისი დახმარებით შესაძლებელია თითქმის ნებისმიერ ტიპის საიტის შექმნა (როგორც სოციალური ქსელის, ასევე უბრალო საინფორმაციო პორტალის), შიგთავსის რეგულარული განახლება (სპეციალური სამართავი პანელიდან) და სხვა. სისტემა შექმნილია Joomla-ს გუნდის მიერ.

ისტორია[რედაქტირება | წყაროს რედაქტირება]

Joomla პირველად აგებული იქნა 'მამბოს' სამართავი სისტემის მაგალითზე. ის გამოვიდა 2005 წლის 17 აგვისტოს. ამ დროისათვის 'მამბოს' ფლობდა Miro International Pvt Ltd, რომელმაც შექმნა კომერციული სექტორი, რომლის მიზანიც იყო 'მამბოს' დაფინანსება და მისი დაცვა სხვადასხვა სარჩელისგან. სამართავი სისტემის შემქმნელი გუნდი გაიყო, რადგან მასში სუფევდა უთანხმოება ეკონომიკური პოლიტიკის საკითხებში. 2005 წლის 16 სექტემბერს გამოჩნდა Joomla, რომელიც აგებული იყო 'მამბოზე', მაგრამ შეიცავდა ბევრ შესწორებას.

Joomla, ისევე როგორც მისი წინამორბედი, კვლავ დარჩა ღია ტიპის კოდის მქონე პროგრამულ უზრუნველყოფად, ისევე როგორც მისი ბევრი დამატებითი მოდული თუ კომპონენტი, თუმცა სხვადასხვა კომპონენტი და მოდული, რომელიც დღეს Joomla-სთვის იქმნება, ფასიანიც არის.

Joomla-ს შესაძლებლობები[რედაქტირება | წყაროს რედაქტირება]

გაფართოებები[რედაქტირება | წყაროს რედაქტირება]

ძირითადად, Joomla-ში არსებობს გაფართოებების სამი ტიპი. ესენია:

კომპონენტები (Components[რედაქტირება | წყაროს რედაქტირება]

კომპონენტი Joomla-ში უფრო ხშირად აღნიშნავს გაფართოების ისეთ ტიპს, რომელიც Joomla-ზე აგებულ საიტს ამატებს ახალ თემატურ განყოფილებას. ძირითადად, ასეთებია: ფოტო და ვიდეო გალერეები, ფორუმები, ჩეტები, წიგნების ბიბლიოთეკის აღრიცხვის სისტემები, ონლაინ მაღაზიები და ა.შ. თუმცა, ხშირად, კომპონენტი Joomla-ში შეიძლება იყოს ფარული, მაგრამ ამავე დროს, ასრულებდეს თავის ფუნქციებს. ასეთია, მაგალითად, კომენტარების სისტემა, რომელიც ავტომატურად უერთდება სტატიების ამა თუ იმ სექციას თუ კატეგორიას. არსებობს ადმინისტრატორის პანელის შიდა კომპონენტები - როგორიც, მაგალითად, არის სტატისტიკა საიტზე შემოსული მომხმარებლების შესახებ.

მოდულები (Modules)[რედაქტირება | წყაროს რედაქტირება]

მოდული Joomla-ში არ არის იგივე, რაც სხვა სამართავ სისტემებში. Joomla-ში მოდული ნიშნავს საიტის ამა თუ იმ არეშე (გარდა სტატიის სხეულის) განთავსებულ ბლოკს, რომელიც პასუხისმგებელია ამა თუ იმ ფუნქციაზე (და ხშირად დაკავშირებულია ადმინისტრატორის სამართავი პანელის კომპონენტთან). ასეთებია, მაგალითად, სიახლეების მაჩვენებელი, საიტზე საკუთარი მომხმარებლის სახელით შესვლის ფორმის, მუსიკალური ფაილების მოსმენის მოდულები. მოდულების სახით ხშირად წარმოდგენილია სანავიგაციო მენიუების სისტემებიც.

დამატებები (Plugins)[რედაქტირება | წყაროს რედაქტირება]

დამატებები Joomla-ში აფართოებენ სისტემის მუშაობას. დამატება ამატებს მცირე ან დიდი მნიშვნელობის მქონე ფუნქციებს. განსხვავებით მოდულისგან, დამატება არ განთავსდება საიტის კონკრეტულ ადგილზე. უფრო ხშირად იგი გავლენას ახდენს სტატიებზე. მაგალითად, შესაძლო ხდება სტატიაში განთავსებული სურათის განსაკუთრებული ჩარჩოს ან სხვა ეფექტის თანხლებით ჩვენება.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Joomla! 3.8.2 Released. Joomla.org (7 November 2017). წაკითხვის თარიღი: November 7, 2017.
მოძიებულია „https://ka.wikipedia.org/w/index.php?title=Joomla&oldid=3399346“-დან