ჯორჯტაუნი (ინგლ.Georgetown) — გაიანის დედაქალაქი. ქვეყნის უდიდესი ეკონომიკური და სატრანსპორტო ცენტრი. მდებარეობს გაიანის ჩრდილო-აღმოსავლეთ ნაწილში, ატლანტის ოკეანის სანაპიროზე. ჯორჯტაუნის მოსახლეობის რაოდენობა 325 ათას კაცს აღემატება, რაც მთელი ქვეყნის მოსახლეობის მესამედია. დედაქალაქში მცხოვრებ ძირითად ეთნიკურ ჯგუფს წარმოადგენს ინდიელემიგრანტთა შთამომავლები.
ჯორჯტაუნი 1781 წელს ჰოლანდიელმა კოლონისტებმა დააარსეს და სტაბრუკი უწოდეს. 1784 წელს ის ჰოლანდიის სამხრეთ ამერიკული კოლონიების დედაქალაქი ხდება. XIX საუკუნეში, ინგლისელებისა და ჰოლანდიელების სასტიკი ბრძოლების შედეგად, ქალაქი გაიაიწვა. 1812 წელს ის ბრიტანელებმა აიღეს და თანამედროვე სახელი — ჯორჯტაუნი უწოდეს, ბრიტანეთის მეფე ჯორჯ III-ის პატივსაცემად.
