ჯონდო ბაღათურია

ჯონდო (ჯონდი) ბაღათურია
დაბადების თარიღი	30 მარტი, 1964 (1964-03-30)
დაბადების ადგილი	ბათუმი
მოქალაქეობა	სსრკ →  საქართველო
განათლება	თბილისის სახელმწიფო უნივერსიტეტი
ეროვნება	ქართველი
რელიგია	მართლმადიდებელი
პარტია	ქართული დასი

ჯონდო (ჯონდი) ბაღათურია (დ. 30 მარტი, 1964, ბათუმი) — ქართველი ეკონომისტი, პოლიტიკოსი.

ბიოგრაფია

1980–1981 წლებში მუშაობდა ბათუმის მექანიზაციის სამმართველში ზეინკლად. 1987 წელს მუშაობდა N4 სასკოლო კვების კომბინატში მუშად. 1987 წელს დაამთავრა თბილისის სახელმწიფო უნივერსიტეტი ინჟინერ-ეკონომისტის სპეციალობით. 1988-1989 წლებში მუშაობდა შულავერის ინერტულ მასალათა ქარხანაში. 1989–1995 წლებში მუშაობდა ტრესტ „საქსპეცმშენში“ სხვადასხვა თანამდებობებზე.

პოლიტიკური კარიერა

1998–2006 წლებში იყო თბილისის საკრებულოს წევრი, ფრაქცია „ედპ-ის“ თავმჯდომარე. 2007 წელს დააფუძნა პოლიტიკური გაერთიანება „ქართული დასი“, რომელიც იყო ეროვნული საბჭოს წევრი. საბჭო ბლოკის სახით მონაწილეობდა 2008 წლის არჩევნებში, სადაც ბაღათურიამ მოიპოვა საპარლამენტო მანდატი. 2008-2012 წლებში იყო საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი „გაერთიანებული ოპოზიცია (ეროვნული საბჭო, მემარჯვენეები)“.

რესურსები ინტერნეტში

• ჯონდო ბაღათურია — საქართველოს ბიოგრაფიული ლექსიკონი
• ჯონდო ბაღათურია — საქართველოს პარლამენტის ოფიციალური საიტი (მოძველებული / არქივი / ახალი არქივი)