ჯოელი ფიშერი

ჯოელი ფიშერი
ჯოელი ფიშერი
დაბადების თარიღი	29 ოქტომბერი, 1967 კალიფორნია, აშშ
მოქალაქეობა	ამერიკელი
ალმა-მატერი	პარიზის უნივერსიტეტი, Emerson College და Beverly Hills High School
პროფესია	მსახიობი, მომღერალი, მოცეკვავე, პროდიუსერი
საქმიანობა	თეატრის მსახიობი, ტელემსახიობი, კინომსახიობი, გამხმოვანებელი, მსახიობი და მომღერალი
შვილ(ებ)ი	Olivia Duddy, Skylar Duddy და True Duddy
მშობლები	მამა: ედი ფიშერი დედა: კონი სტივენსი

ჯოელი ფიშერი (ინგლ. Joely Fisher; დ. 29 ოქტომბერი, 1967, კალიფორნია) — ამერიკელი მსახიობი და მომღერალი, ის მომღერალ ედი ფიშერისა და მსახიობ კონი სტივენსის ქალიშვილი, ასევე მსახიობ კერი ფიშერის ნახევარდაა. მან სამსახიობო მოღვაწეობა 1994 წელს წელს, ABC-ის სიტკომ „ელენში“ (Ellen) პეიჯ კლარკის როლით დაიწყო, რისთვისაც „ოქროს გლობუსის“ ნომინაცია მოიპოვა. მოგვიანებით ფიშერმა ითამაშა 1999 წლის კომედიურ ფილმში „ინსპექტორი გაჯეტი“ (Inspector Gadget). ასევე შეასრულა მთავარი როლები Lifetime კომედიურ-დრამაში Wild Card (2003-2005) და Fox-ის სიტკომში „სიკვდილამდე“ ('Til Death,(2006-2010).

2021 წლის 2 სექტემბერს პროფკავშირ SAG-AFTRA-ს წევრებმა ფიშერი ორგანიზაციის მდივნად აირჩიეს.

ადრეული ცხოვრება

ჯოელი ფიშერი მომღერლების — ედი ფიშერისა (1928-2010) და კონი სტივენსის ოჯახში დაიბადა. მამა, რომლის წინაპრებიც შეერთებულ შტატებში რუსეთის იმპერიიდან გადავიდნენ, ებრაელი იყო, დედა კი — კათოლიკე (წარმოშობით ებრაელი). წყვილს მეორე ქალიშვილი, ტრიცია ლი ფიშერი, 1968 წელს შეეძინა, თუმცა 1969 წელს ისინი განქორწინდნენ. ამის შემდეგ ჯოელი და ტრიცია დედამ, კონი სტივენსმა გაზარდა. მამის მხრიდან, დები რეინოლდსთან ქორწინებიდან, ფიშერს ორი უფროსი ნახევარდა-ძმა — კერი ფიშერი და ტოდ ფიშერი ჰყავდა.

ბავშვობაში ფიშერი და მისი და დედასთან ერთად მსოფლიოს გარშემო მოგზაურობდნენ, რის გამოც სხვადასხვა სკოლაში სწავლობდნენ და კერძო რეპეტიტორები ჰყავდათ. ფიშერმა ბევერლი-ჰილზის საშუალო სკოლა დაამთავრა, რის შემდეგაც სწავლა ბოსტონში, ემერსონის კოლეჯში განაგრძო. იგი ასევე ერთი სემესტრის განმავლობაში სწავლობდა პარიზის უნივერსიტეტში, ხოლო 1987 წლის ზაფხულში, იტალიაში, სანდრა სიკატის ხელმძღვანელობით სამსახიობო კურსები გაიარა. 1992 წელს, „ოქროს გლობუსის“ დაჯილდოებაზე მას „მის ოქროს გლობუსის“ ტიტული მიენიჭა.

კარიერა

ფიშერი 20116 წლის ნოემბერში

მისი კინოდებიუტი შედგა კომედიაში „Pretty Smart“ (1987), სადაც მთავარ როლს მისი და, ტრიცია ასრულებდა. შემდეგ ჯოელიმ ითამაშა კრისის როლი სატელევიზიო დრამაში „Dedicated to the One I Love“ (1991) სადაც პარტნიორობას დანიელ ფერლანდი უწევდა. ფიშერის კარიერულ წინსვლას ხელი შეუწყო მხატვრულ ფილმში „I'll Do Anything“ (1994) მონაწილეობამ ნიკ ნოლტისთან ერთად, რასაც უფრო მასშტაბური როლები მოჰყვა. მას ასევე ჰქონდა ეპიზოდური როლები ისეთ სერიალებში, როგორიცაა: „Growing Pains“, „Blossom“, „Caroline in the City“, „The Golden Palace“, „The Outer Limits“, „Grace Under Fire“ და „Coach“.

1994 წელს მან პეიჯ კლარკის როლი მიიღო, რომელსაც სერიალის დასრულებამდე, 1998 წლამდე ასრულებდა.იმავე წელს მან მოიპოვა „ოქროს გლობუსის“ ნომინაცია კატეგორიაში „საუკეთესო მეორეხარისხოვანი მსახიობი ქალი სერიალში, მინი-სერიალსა ან სატელევიზიო ფილმში“. „ელენის“ შემდეგ ფიშერმა შეასრულა დოქტორი ბრენდა ბრედფორდის როლი ფილმში „ინსპექტორი გაჯეტი“ (1999) სადაც მისი პარტნიორი მეთიუ ბროდერიკი იყო. მოგვიანებით შედგა ფიშერის დებიუტი ბროდვეიზეც.

2021 წელს ფიშერმა ითამაშა ირინე კოდის როლი ფილმში „გოგონა სარდაფში“ (Girl in the Basement), რომლის სიუჟეტიც იოზეფ ფრიცლის გახმაურებულ საქმეს ეფუძნება.

პირადი ცხოვრება

1996 წელს ფიშერი კინემატოგრაფისტ კრისტოფერ დადზე დაქორწინდა. მათ სამი ქალიშვილი ჰყავთ: ორი მათგანი 2001 და 2006 წლებში დაიბადა, ხოლო მესამე 2008 წლის სექტემბერში იშვილეს. ჯოელი ასევე არის დადის ორი ვაჟის — კამერონისა და კოლინის დედინაცვალი.

რესურსები ინტერნეტში

• ჯოელი ფიშერი კინოფილმების ინტერნეტ-მონაცემთა ბაზაში
• ჯოელი ფიშერი — ბროდვეის ინტერნეტ მონაცემთა ბაზაში (IBDb) (ინგლისური)