ჯინი უისლი

ჯინი უისლი იგივე ჯინევრა მოლი (ინგლ.Ginny Weasly) — პერსონაჟი ჰარი პოტერიდან. პირველად ვხედავთ პირველ რომანში, "ჰარი პოტერი და ფილოსოფიური ქვა", როგორც არტურ და მოლი უისლის უმცროსი შვილი და ერთადერთი ქალიშვილი. რომანტიული ურთიერთობა აქვს ჰარი პოტერთან და საბოლოოდ ქორწინდებიან კიდეც. ჰარი პოტერის ფილმებში ჯინის განასახიერებს ბონი რაიტი.

შექმნა და განვითარება

წიგნის ავტორს, ჯოან როულინგს სურდა, რომ სერიის განმავლობაში მკითხველებს თანდათან აღმოეჩინათ,რომ ჯინი თითქმის იდეალური გოგონაა ჰარისთვის. როულინგმა აღწერა ჯინი როგორც მკაცრი, გამბედავი, თბილი, თანამგრძნობი, სახალისო და ნიჭიერი ჯადოქარი.

ფილმში მონაწილეობა

ჯინი პირველად ჩანს „ჰარი პოტერი და ფილოსოფიურ ქვაში“ (1997), როცა ჰარი პოტერი უისლების ოჯახს კინგს კროსის სადგურში ხვდება. როდესაც ჯინი აცნობიერებს,თუ ვინ არის ჰარი, სურს ჰოგვორტს ექსპრესში ასვლა, რომ ნახოს იგი,თუმცა დედა ამის საშუალებას არ აძლევს. ჯინი პირველ წელს ჯადოქართა სკოლა ჰოგვორტსში „ჰარი პოტერი და საიდუმლო ოთახში“ (1998) იწყებს. უერთდება გრიფინდორის ფაკულტეტს და უჩნდება სიყვარული ჰარისადმი. სიუჟეტის განვითარდებასთან ერთად, ჰარი და ჯინის ძმა რონი ამჩნევენ, რომ ჯინი უცნაურად იქცევა. თავდაპირველად ვარაუდობენ, რომ მას უბრალოდ აწუხებს თავდასხმები,რომელსაც მაგლთაშობილ სტუდენტებზე ახორციელებენ, თუმცა მალევე ეჭვობენ, რომ ჯინიმ შეიძლება რაღაც იცოდეს ამ თავდასხმების შესახებ. ბიჭები ეკითხებიან ჯინის, მაგრამ ჯინი უარს ამბობს საუბარზე. საბოლოოდ აღმოაჩენენ, რომ სწორედ ჯინიმ გახსნა საიდუმლო ოთახი და ტომ რიდლის მაგიური სასკოლო დღიურის გავლენის ქვეშ ყოფნის დროს ეხმარებოდა ბასილისკს სტუდენტებზე თავდასხმაში. ჰარი პოულობს ჯინის, იხსნის რიდლისგან და ანადგურებს დღიურს.

ჯინი ბრუნდება „ჰარი პოტერი და აზკაბანის ტყვეში“ (1999). უკვე ჰოგვორტსის მეორე კურსის სტუდენტია და იქ იმყოფება, როდესაც ჰარის თავს ესხმიან დემენტორები ჰოგვორტს ექსპრესში. რომანის განმავლობაში ჯინი ავითარებს მეტად ახლო ურთიერთობას ჰერმიონ გრეინჯერთან.

"ჰარი პოტერი და ცეცხლოვანი თასში" (2000), ჯინი ესწრება ქვიდიჩის მსოფლიო თასს მამასთან, ძმებთან, ჰარისთან და ჰერმიონთან ერთად.

„ჰარი პოტერი და ფენიქსის ორდენში“ როდესაც დოლორეს ამბრიჯი უკრძალავს ჰარის ქვიდიჩის გუნდში თამაშს, ჰარის ნაცვლად სიკერის პოზიციას იკავებს ჯინი.ასევე უერთდება საიდუმლო ჯგუფს სახელად "დამბლდორის არმიას" და თან ახლავს ჰარის საიდუმლოებათა დეპარტამენტში, როდესაც ჰარი ცდილობს გადაარჩინოს სირიუს ბლეკი.

"ჰარი პოტერი და ნახევარპრინცში" (2005), პროფესორი სლაგჰორნი იწვევს ჯინის, რომ შეუერთდეს მის "სლაგ კლუბს". ჯინი ხდება გრიფინდორის ქვიდიჩის გუნდის მუდმივი წევრი, შემტევის პოზიციაზე. ჯინის ურთიერთობა შეყვარებულ დინთან მთავრდება და როდესაც გრიფინდორი იგებს ქვიდიჩის თასს პირველი კოცნა აქვს ჰარისთან. ჯინი და ჰარი იწყებენ რომანტიულ ურთიერთობას, მაგრამ ჰარი ჯინის შორდება რამდენიმე თვის შემდეგ,რადგან შიშობს, რომ ჯინის საფრთხეში ჩააგდებს.

"ჰარი პოტერი და სიკვდილის საჩუქრების" (2007) დასაწყისში, ჯინი აღმოაჩენს, რომ ჰარი, რონი და ჰერმიონი გაემგზავრებიან მისიაზე, რომ იპოვონ ვოლდემორტის დარჩენილი ჰორკრუქსები. ჯინი კოცნის ჰარის საძინებელში და ორივენი აცნობიერებენ, რომ კვლავ აქვთ გრძნობები ერთმანეთის მიმართ. ჯინი ჰოგვორტსში მეექვსე წელს იწყებს. სადაც მუშაობს ნევილთან და ლუნა ლავგუდთან დამბლდორის არმიის აღსადგენად. მონაწილეობს ჰოგვორტსის ბრძოლაში და თითქმის დაეცემა მკვლელი წყევლით ბელატრიქსა ლესტრეინჯისგან. ამის მოლი უისლი კლავს ბელატრიქსს. რომანის ეპილოგში, ჰარი და ჯინი დაქორწინებულნი არიან და სამი შვილი ჰყავთ: ჯეიმსი, ალბუსი და ლილი. როულინგმა თქვა, რომ ჰოგვორტსის დატოვების შემდეგ, ჯინი უერთდება ქალთა ქვიდიჩის გუნდს. რამდენიმე წლის განმავლობაში სახელგანთქმული მოთამაშია,შემდეგ გადის პენსიაზე, რომ გახდეს Daily Prophet-ის უფროსი ქვიდიჩის კორესპონდენტი.

ფილმის ადაპტაციები

ჯინის განასახიერებს ბონი რაიტი ჰარი პოტერის ყველა რვა ფილმში. The Telegraph-თან ინტერვიუში, რაიტმა თქვა, რომ ძმამ შესთავაზე ქასთინგზე წასვლა, რადგან პერსონაჟ ჯინის ჰგავდა .

სატელევიზიო სერიალი

მომავალ სატელევიზიო სერიალში ჯინის გრეის კოკრეინი განასახიერებს.

სცენური ადაპტაციები

პიესაში „ჰარი პოტერი და წყეულმოცული შვილი“ (2016), ჯინი ეხმარება ჰარის შერიგებაში თავიანთ შვილთან ალბუს სევერუს პოტერთან. მისი სამუშაო The Daily Prophet-ში მოკლედ არის ნახსენები, როცა დრაკო მალფოი მას ადანაშაულებს ყოფილი სიკვდილის მხვრელების მიმართ ეჭვის ხელშეწყობაში. პიესის ორიგინალურ უესტ ენდის წარმოდგენაში ჯინი განასახიერა პოპი მილერმა.

ვიდეო თამაშები

ჯინის ახმოვანებს ბონი რაიტი ფენიქსის ორდენის, ნახევარპრინცისა და სიკვდილის საჩუქრები - ნაწილი 1-ის ვიდეო თამაშებში.

ჯინის ხმას „საიდუმლოებათა ოთახის“ თამაშში ახმოვანებს ვიქტუარ რობინსონი, ხოლო „სიკვდილის საჩუქრები“ - ნაწილი 2-ის თამაშში - ანაბელ სკოლი .

დახასიათება

ჯინის აქვს უისლებისთვის დამახასიათებელი წითური თმა. ტანით პატარაა და აქვს ნათელი ყავისფერი თვალები, როგორც დედას. მამაცი, დამოუკიდებელი, ინტელექტუალური, მკაცრი, მეგობრული, დამხმარე და ძლიერია. პოპულარულია ბიჭებში და ნიჭიერი ქვიდიჩის მოთამაშეა.