ჯემშიდ გიუნაშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
ჯემშიდ გიუნაშვილი

ჯემშიდ გიუნაშვილი (დ. 1 მაისი, 1931, თეირანი, ირანი — გ. 21 იანვარი 2017, თბილისი, საქართველო) — ქართველი ლინგვისტი, ირანისტი. 1994-2004 წლებში საქართველოს საგანგებო და სრულუფლებიანი ელჩი ირანის ისლამურ რესპუბლიკაში.

ბიოგრაფია[რედაქტირება | წყაროს რედაქტირება]

ჯემშიდ გიუნაშვილი დაიბადა ირანის დედაქალაქ თეირანში, ემიგრანტ ინჟინერ შალვა გიუნაშვილის ოჯახში. 1947 წელს გიუნაშვილების ოჯახი რეპატრიაციის წესით დაბრუნდა საქართველოში, ხოლო 1951 წელს გადასახლებული იქნა სამხრეთ ყაზახეთში. 1953 წელს ექსტერნის წესით დაამთავრა შუა აზიის სახელმწიფო უნივერსიტეტის ირანულ-ავღანური ფილოლოგიის განყოფილება ქალაქ ტაშკენტში, 1956-58 წლებში მუშაობდა სპარსული ენის მასწავლებლად ამავე უნივერსიტეტში. 1958-1994 წლებში მუშაობდა სხვადასხვა თანამდებობებზე საქართველოს მეცნიერებათა აკადემიის სისტემასა და თბილისის სახელმწიფო უნივერსიტეტში. 1994-2004 წლებში ასრულებდა ირანის ისლამურ რესპუბლიკაში საქართველოს საგანგებო და სრულუფლებიანი ელჩის მოვალეობას.[1]

სქოლიო[რედაქტირება | წყაროს რედაქტირება]