ჯემალ გაბეჩავა
ჯემალ გაბეჩავა (დ. 3 მაისი, 1941, თბილისი) — ქართველი გეოლოგი, ინჟინერი.
ბიოგრაფია[რედაქტირება | წყაროს რედაქტირება]
1965 წელს დაამთავრა საქართველოს პოლიტექნიკური ინსტიტუტის სამთო გეოლოგიის ფაკულტეტი.
1965-1980 წლებში მუშაობდა საქართველოს პოლიტექნიკური ინსტიტუტის ჰიდროგეოლოგიის კათედრაზე მეცნიერ-მუშაკად. გაერთიანება „საქგეოლმინკაპტაჟის“ საწარმოო სამმართველოში — გეოლოგად, საქართველოს გეოლოგიის სამმართველოში — პარტიის უფროსად, ექსპლუატაციის მთავარ ჰიდროგეოლოგად. 1980-1983 წლებში იყო გეოლოგიის სახელმწიფო დეპატრამენტის სახაზინო საწარმო „ჰიდროსაინჟგეოს“ მთავარი გეოლოგი. 1993 წლიდან — შპს „გამა-კონსალტინგის“ თანადამფუძნებელი და მთავარი ჰიდროგეოლოგი. სხვადასხვა დროს მონაწილეობდა ლილოს ლუდის ქარხნის წყალმომარაგების, საქართველოს მინერალური წყლების — მიტარბის, ნაბეღლავის, საირმისა და ბორჯომის საბადოების, მინერალური წყლის საბადოს სანიტარული დაცვის ზონებისა და შავი ზღვის ორაგულის კვლავწარმოების პროექტების შემუშავებაში. ფოთისა და ბათუმის ნავსადგურების უსაფრთხოების, ფოთის ნავსადგურის ტალღასაჭრელის ფუძისთვის მტკიცე და გამძლე ქანების შერჩევა-დახასიათების, ფოთის ნავსადგურისა და მდინარე ხობისწყლის შესართავში ნავთობპროდუქტების გადასატვირთი-შესანახი ტერმინალებისა და კასპის რაიონის სოფელ კავთისხევის ცემენტის მინიქარხნის გარემოზე ზემოქმედების შეფასებაში. ასევე, მონაწილეობდა საქართველოში ნავთობპროდუქტებისა და ნავთობის თანმხლები გაზების ბაზრის გამოკვლევაში, საქართველოს მიწისქვეშა წყლების რესურსებისა და მათი გამოყენების შესაძლებლობების შესწავლაში, წყაროების მონიტორინგისა და მიწისქვეშა წყლების საექსპლუატაციო მარაგების გამოთვლა-დაცვაში. არის გეოლოგია-მინერალოგიის მეცნიერებათა დოქტორი, საქართველოს ენერგეტიკისა და ბუნებრივი რესურსების სამინისტროს სასარგებლო წიაღისეულის მარაგების სახელმწიფო საუწყებათაშორისო კომისიის ექსპერტი.
ჯილდოები[რედაქტირება | წყაროს რედაქტირება]
- 2001 — ღირსების ორდენი
- 1984 — გეოლოგთა მსოფლიო კონგრესის ვერცხლის მედალოსანი
ლიტერატურა[რედაქტირება | წყაროს რედაქტირება]
- საქართველოს არქიტექტორთა და მშენებელთა ენციკლოპედია, თბ., 2017, გვ. 110-111
- წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი, თბ., 2003, გვ. 233