ხიდი (ფილმი, 1942)

„ხიდი“
დამდგმელი რეჟისორი	კონსტანტინე პიპინაშვილი შოთა მანაგაძე
სცენარის ავტორი	გიორგი მდივანი
როლებში	გიორგი შავგულიძე მედეა ჯაფარიძე
კომპოზიტორი	ალექსი მაჭავარიანი
ხმის ოპერატორი	ბესიკ იაკობაშვილი, რაფიელ კეზელი
ოპერატორი	ფელიქს ვისოცკი, ბორის ბურავლიოვი
მხატვარი	კონსტანტინე (კოტე) კიკნაძე
სტუდია	„თბილისის კინოსტუდია“
გამოსვლის თარიღი	1942
ხანგრძლივობა	48 წუთი
ქვეყანა	საქართველოს სსრ, სსრკ

„ხიდი“ — „თბილისის კინოსტუდიის“ 1942 წლის დრამა, რომლის რეჟისორები არიან კონსტანტინე პიპინაშვილი და შოთა მანაგაძე.

სიუჟეტი

ფილმი გადაღებულია გიორგი მდივანის პიესის – „ბატალიონი დასავლეთისაკენ მიდის“ მიხედვით.

1942 წელი. მეორე მსოფლიო ომის დროს გერმანელები ააფეთქებენ სტრატეგიულად მნიშვნელოვან რკინიგზის ხიდს, რომელზეც საბჭოთა ეშელონი აპირებდა გავლას. სარდლობა კაპიტან ილო გიგაურის სარემონტო-აღდგენით ბატალიონს ხიდის აღდგენას უბრძანებს. მისი ძმა, სერჟანტი ოთარ გიგაურიც იქ იმყოფება, ბრიგადის დასახმარებლად. ინჟინერ გიორგის, ილოს საცოლის - მანანას მამას, მატარებლის ხიდზე გადაყვანა ევალება. ნაცისტური დანაყოფების გამუდმებული ცეცხლის მიუხედავად, ხიდი აღდგება და მატარებელი გზას აგრძელებს.

როლებში

• გიორგი შავგულიძე — ილო – ბატალიონის უფროსი
• მედეა ჯაფარიძე — მანანა
• გიორგი ფრონისპირელი — გიორგი – მანანას მამა
• პავლე ერმილოვი — კოზლოვი – უფროსი ლეიტენანტი
• დავით ლორთქიფანიძე — ოთარ გიგაური - სერჟანტი
• პეტრე დოლჟანოვი — ბარუთა
• ლეონიდ რომანოვი — მაიორი შეველიოვი

რესურსები ინტერნეტში

• „ხიდი“ [დაარქივებული] — ეროვნული ფილმოგრაფია
• „ხიდი“ — კინოფილმების ინტერნეტ-მონაცემთა ბაზა (ინგლისური)