ხეორი
Jump to navigation
Jump to search
ხეორი — მდინარე საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტის ტერიტორიაზე, მდ. რიონის მარცხენა შენაკადი. სათავეს იღებს სოფელ შქმერის სიახლოვეს, ფოცხვრების მთის აღმოსავლეთ ფერდობზე, სუბალპურ სარტყელში. მისი სიგრძე 14,5 კმ-ია.
ვახუშტი ბაგრატიონი მდინარე ხეორს შემდეგნაირად აღწერს:
|
„მოერთვის რიონს სამხრეთიდამ ხევი ხეორი. ამ ხევმან მოიგო სახელი ღრმა ხევთა შინა დინებათა. ეს გამოსდის კეცების მთის კალთას, მცირეს ტბასა. პირველ დის აღმოსავლეთიდამ დასავლეთად, მერმე სამხრეთიდამ ჩრდილოთ, ღრმას ხრამსა და კლდოვანსა შინა. რიონის შესართავს ზეით ხეორს ერთვის ბოყვისხევი აღმოსავლიდამ. ხეორის სათავის მცირეს ტბის ქუეით, ჩრდილოთკენ, კლდეს გამოსდის წყაროდ დიდი მდინარე, და ამ ორის წყლის შესართავს ქუეით არს შქმერი.“
|
გალერეა[რედაქტირება | წყაროს რედაქტირება]
მარჯვენა ხეორის სათავე
ხეორი ზამთარში
ხეორის კანიონი
ქვაბი
ლიტერატურა[რედაქტირება | წყაროს რედაქტირება]
- ქართლის ცხოვრება. ტომი IV. ბატონიშვილი ვახუშტი (1696-1757 წწ). აღწერა სამეფოსა საქართველოსა.სახელმწიფო გამომცემლობა „საბჭოთა საქართველო.“ თბილისი 1973. გვ.766
- სტატია - შქმერი, ქართული საბჭოთა ენციკლოპედია, ტ. 11, გვ. 61, თბ., 1987 წელი.
