ხაშურის მეშვიდე საჯარო სკოლა
| სსიპ - ქალაქ ხაშურის №7 საჯარო სკოლა | |
|---|---|
| დირექტორი: | მანანა ლაცაბიძე |
| ტიპი: | საჯარო |
| მოსწავლე: | 356[1] |
| მისამართი: | ქ. ხაშური, თამარ მეფის ქ. №10ა |
| ტელეფონი: | 0368 24 37 09 |
| ელ. ფოსტა: | khashuriskola7@gmail.com |
ხაშურის მე-7 საჯარო სკოლა (სრული სახელი - სსიპ - ქალაქ ხაშურის №7 საჯარო სკოლა) — ქალაქ ხაშურის ზოგადსაგანმანათლებლო დაწესებულება. მდებარეობს თამარ მეფის ქ. №10ა–ში, სკოლის მოსწავლეთა რაოდენობაა 356, მასწავლებელთა რაოდენობა - 37. საკლასო ოთახების რაოდენობაა – 31. სასკოლო შენობის განკარგულებაშია 2 შენობა. სკოლის ამჟამინდელი დირექტორია მანანა ლაცაბიძე.
ისტორია[რედაქტირება | წყაროს რედაქტირება]
საქართველოში ეროვნულ–სახელმწიფოებრივი დამოუკიდებლობის აღდგენის შემდეგ 1918 წლის სექტემბერში სადგურ მიხაილოვოს რკინიგზის ორკლასიანი სწავლების ბაზაზე ჩამოყალიბდა ხაშურის რკინიგზის №1 დაწყებითი სკოლა, ანუ დღევანდელი ხაშურის №7 საჯარო სკოლა, საქართველოში საბჭოთა ხელისუფლების დამყარების შემდეგ კვლავ მოხდა რეორგანიზაცია და 1922 წელს სკოლას ხაშურის რკინიგზის №1 შრომის სკოლა ეწოდა. 1937 წლიდან სკოლას ა/კ რკინიგზის ხაშურის №10 საშუალო სკოლა ეწოდა. შემდეგ მოხდა ქალთა და ვაჟთა განცალკევება და 1943 წლის სექტემბრიდან სკოლას ა/კ რკინიგზის ხაშურის # 10 ქალთა სრული საშუალო სკოლა დაერქვა. 1948 წლის სექტემბრიდან მას კვლავ შეეცვალა სახელწოდება და ა/კ რკინიგზის №13 ქალთა საშუალო სკოლა ეწოდა. 1955 წელს მოხდა ქალთა და ვაჟთა კონტიგენტის გაერთიანება. 1963 წლის სექტემბერში კვლავ შეიცვალა სახელწოდება და ეწოდა ა/კ რკინიგზის ხაშურის №4 საშუალო სკოლა. 1972 წლის სექტემბერში სკოლის ბაზაზე ჩამოყალიბდა ახალი ა/კ რკინიგზის ხაშურის №25 საშუალო სკოლა (დღევანდელი ხაშურის №9 საჯარო სკოლა). 2002 წლის იანვრიდან სკოლას კვლავ შეეცვალა სახელი და ეწოდა ხაშურის №7 საჯარო სკოლა.[2]
სქოლიო[რედაქტირება | წყაროს რედაქტირება]
- ↑ ხაშურის მე-7 საჯარო სკოლა
- ↑ ხაშურის მე-7 საჯარო სკოლა. დაარქივებულია ორიგინალიდან — 2016-06-30. ციტირების თარიღი: 2015-09-06.