ხავერდის ხე (ლათ.Phellodendron;ფელოდენდრონი) — მცენარეთა გვარი ტეგანისებრთა ოჯახისა. ორსახლიანი ხეებია. 10-მდე სახეობა გავრცელებულია აღმოსავლეთ აზიის ბარის ტყეებში. აღსანიშნავია ამურის ხავერდის ხე (ლათ. Phellodéndron amurénse), რომელიც გვხვდება შორეულ აღმოსავლეთში, ჩრდილო-აღმოსავლეთ ჩინეთსა და კორეაში. კულტივირებულია მრავალ ქვეყანაში. მისი მსხვილი ღეროები კორპის სქელი ფენით იფარება. გამძლე მერქანი აქვს; იყენებენ ავეჯის, ფირფიცრის და სხვ. დასამზადებლად.