ხაბარდა

„ხაბარდა“
ჟანრი	სატირა, კომედია
დამდგმელი რეჟისორი	მიხეილ ჭიაურელი
სცენარის ავტორი	სერგეი ტრეტიაკოვი
სტუდია	სახკინმრეწვი
გამოსვლის თარიღი	1931
ქვეყანა	სსრკ

ხაბარდა — მიხეილ ჭიაურელის 1931 წლის ფილმი. ხაბარდა აზერბაიჯანულად ნიშნავს „განზე გადექი“ ან „გზიდან ჩამომეცალეს“. ფილმის ეს სათაური მიმართულია ცხოვრების ძველებური ყაიდის მოყვარულთაკენ.

სიუჟეტი

ყურადღება!  ქვემოთ მოყვანილია სიუჟეტის და/ან დასასრულის დეტალები.

ფილმში ანგრევენ ეკლესიას, მის ნაცვლად კი მუშათა კეთილმოწყობილი სახლები უნდა ააშენონ.

შეფასება

ფილმი პრესამ დაიწუნა და ძირითადად, ნეგატიური რეცენზიები იბეჭდებოდა. თავად რეჟისორი წარსულთან ბრძოლას ასახელებდა მოტივაციად:

	„თემა ასახავს ქართული საზოგადოების იმ ნაშიერებს, რომლებიც თავის დროზე ებრძოდნენ ყოველივე რუსულს, შემდეგ კი ეს ბრძოლა მექანიკურად საბჭოთა რუსეთის წინააღმდეგ გადაიტანეს. მინდოდა შემექმნა პამფლეტი, დამეცინა მათთვის და სიცილით გამენადგურებინა“
	(მიხეილ ჭიაურელი)

ლიტერატურა

• მახარაძე ი., „დიადი მუნჯი“, თბილისი: ბაკურ სულაკაურის გამომცემლობა, 2014, ISBN 978-9941-23-104-9.

რესურსები ინტერნეტში

• „ხაბარდა“ — კინოფილმების ინტერნეტ-მონაცემთა ბაზა (ინგლისური)