წყლის მორიელები (ლათ.Nepidae) — ბაღლინჯოებისოჯახი. აქვთ წაგრძელებული, ჯოხისებრი ან ოვალური სხეული, სიგრძით 15–50 მმ, ბოლოში სასუნთქი მილაკით. წინა ფეხები სატაცია. ცნობილია 2 ქვეოჯახსა და 14 გვარში გაერთიანებული დაახლ. 250 სახეობა.[1] ფართოდ არიან გავრცელებულები, უპირატესად ტროპიკებში — ინდო-მალაის, ეთიოპიისა და ნეოტროპიკის ოლქებში. მთელ პალეარქტიკაში გვხვდება გვარები Nepa და Ranatra. ჩვეულებრივ ზღვის მორიელს (Nepa cinerea) ბრტყელი ფართო სხეული და წვრილი სასუნთქი მილაკი აქვს; Ranatra-ის გვარის სახეობებს — გრძელი და ცილინდრული. ბინადრობენ მცენარეულობით მდიდარ მდგარ ან სუსტად გამდინარე მტკნარ წყალსატევებში. გადაადგილდებიან ფსკერზე ან წყალმცენარეებზე, ცუდად ცურავენ. თავს ესხმიან მცირე ზომის წყლის ცხოველებს, მ.შ. თევზის ლიფსიტებს. ზიანის მიყენება შეუძლიათ სატბორე მეთევზეობისათვის.[2][3]
↑P. Chen; N. Nieser; J.Z. Ho (2004). „Review of Chinese Ranatrinae (Hemiptera: Nepidae), with descriptions of four new species of Ranatra Fabricius“. Tijdschrift voor Entomologie. 147 (1): 81–102. doi:10.1163/22119434-900000142.