წმინდა საბას ბაზილიკა
წმინდა საბას ბაზილიკა ― უძველესი ბაზილიკური ეკლესია რომში, იტალიაში. ის მდებარეობს ე.წ. პიკოლო ავენტინოზე, ავრელიანეს კედლის მახლობლად, ავენტინის ბორცვისა და კელიანის ბორცვის გვერდით. ეკლესია 1931 წელს სამრევლო გახდა და მისი მთავარი მიზანი იესოს მრევლზე მზრუნველობაა.
ისტორია
[რედაქტირება | წყაროს რედაქტირება]ლეგენდის თანახმად, წმინდა სილვიას, პაპ გრიგოლ I-ის დედას, ამ ადგილას მამული ჰქონდა. მისი გარდაცვალების შემდეგ, ეს მამული წმინდა ანდრეას შვილობილ მონასტერად გადაკეთდა, რომელიც გრიგოლ I-მა დღევანდელი სან გრეგორიო ალ ჩელიოს ადგილას დააარსა. თუმცა, ეს ლეგენდა მხოლოდ XII საუკუნით თარიღდება.
რელიგიური ადგილის ისტორიული წარმოშობა დაახლოებით 645 წელია. სწორედ ამ წელს წმინდა საბას მონასტრიდან (მარ-საბა, პალესტინა) გაქცეული ბერები, რომლებმაც ისლამურ-ქრისტიანული შეტაკების შემდეგ სამშობლო დატოვეს, რომში ჩავიდნენ ლატერანის კრებაზე დასასწრებად. კრების შემდეგ, ბერები დასახლდნენ „პიკოლო ავენტინოზე“ (ავენტინის ბორცვის უფრო პატარა მწვერვალზე) რომელიც იმ დროს რომის მოსახლეობის მნიშვნელოვანი შემცირების გამო მიტოვებული იყო. აქ მათ დააარსეს სამრევლო. უძველეს წყაროებში მათი მონასტერი ცნობილია როგორც „cella novas“ ან „cellaenovae“.