წერეთელი (თბილისის მეტრო)

წერეთელი
მდებარეობა	დიდუბის რაიონი თბილისი, საქართველო
კოორდინატები	41°43′37″ ჩ. გ. 44°47′16″ ა. გ.
ხაზი	2
ბაქანი	1
მშენებლობა
არქიტექტორი	მ. კაციტაძე
ისტორია
გაიხსნა	15 სექტემბერი, 1979 (1979-09-15)
წინა სახელები	აკაკი წერეთლის გამზირი

„წერეთელი“ (ყოფილი „აკაკი წერეთლის გამზირი“) — თბილისის მეტროპოლიტენის საბურთალოს ხაზის ერთ-ერთი სადგური, რომელიც სადგურის მოედან 2-სა და ტექნიკური უნივერსიტეტის სადგურებს შორის მდებარეობს. იგი 1979 წელს გაიხსნა და მისი პროექტის ავტორია არქიტექტორი მ. კაციტაძე. მშენებლობას აწარმოებდა საპროექტო ორგანიზაცია „თბილქალაქპროექტი“.

2006 წელს განხორციელდა სადგურის რეკონსტრუქცია. შეიცვალა ინტერიერის დიზაინი: დამონტაჟდა პლასტიკატის დეკორატიული პანელები და ტელე-ეკრანები.

სადგურის მოსაცდელი დარბაზის ბოლოში კედელზე მწერალ აკაკი წერეთლის ბიუსტის ჰორელეფური გამოსახულებაა მოცემული. სადგურს ერთი შესასვლელი აქვს, სადაც მგზავრებს „საქართველოს ბანკის“ მომსახურებით სარგებლობა შეუძლიათ.

იხილეთ აგრეთვე

• თბილისის მეტროპოლიტენის სადგურების სია

რესურსები ინტერნეტში

• მეტროსადგური „წერეთელი“ თბილისის მეტროს ოფიციალურ საიტზე
• მეტროსადგური „წერეთელი“ თბილისის ოფიციალური საიტის გზამკლვევში