ძეგლევი (ნასოფლარი)
ნასოფლარი | |
---|---|
ძეგლევი | |
ქვეყანა | საქართველო |
მხარე | რაჭა-ლეჩხუმისა და ქვემო სვანეთის მხარე |
მუნიციპალიტეტი | ონის მუნიციპალიტეტი |
თემი | უწერა |
კოორდინატები | 42°38′32″ ჩ. გ. 43°28′28″ ა. გ. / 42.64222° ჩ. გ. 43.47444° ა. გ. |
პირველი ხსენება | XVIII საუკუნე |
ცენტრის სიმაღლე | 1300 მ |
მოსახლეობა | 53 კაცი (1970) |
ეროვნული შემადგენლობა | ქართველები 100% |
სასაათო სარტყელი | UTC+4 |
სატელეფონო კოდი | +995 |
ძეგლევი — ნასოფლარი ონის მუნიციპალიტეტში, რაჭა. მდებარეობს რიონის მარჯვენა მხარეს, ორბის მთის კალთაზე. აღმოსავლეთიდან ესაზღვრება სოფელი ფარავნეში, სამხრეთიდან სოფელი ნაკიეთი. ზ. დ. 1300 მ. ონიდან 10 კმ.
ისტორია[რედაქტირება | წყაროს რედაქტირება]
წყაროებში იხსენიება XVIII საუკუნიდან. ვახუშტი ბატონიშვილი მის შესახებ წერს:
„ონის პირისპირ, რიონის ჩდილოთ, მთის კალთასა შინა, მაღლა, არს დაბა ძეგლევი. აქა ეკლესიასა შინა არს ზეთი ჭიქითა და მდუღარებს მარადის და, რაოდენ იღებენ, არ აკლს ჭიქასა მას.“
|
სოფელში შემაღლებული ტყის პირას იდგა წმინდა გიორგის დარბაზული ეკლესია, რომელიც XIX საუკუნის ბოლოს ჩამოიქცა სიძველით, 2013 წელს მიენიჭა კულტურული მემკვიდრეობის უძრავი ძეგლის სტატუსი[1]. მის ადგილზე 1895 წელს ააგეს ხის საყდარი. ძველი ტაძრის და გალავნის ნაშთები დღესაც კარგად ჩანს. ძეგლევი წინა საუკუნეებში ამზადებდა მირონს რაჭის ეკლესიებისთვის. წმინდა გიორგის ეკლესიის ზემოთ 200-მდე მეტრში, იყო ღვთისმშობლის სალოცავი, სადაც რაიმე შენობის კვალი არ ჩანს. 2002 და 2014 წლის მოსახლეობის აღწერის მონაცემებში სოფელი არ მოიხსენიება[2].
დემოგრაფია[რედაქტირება | წყაროს რედაქტირება]
წელი | 1840 | 1873 | 1886 | 1906 | 1926 | 1939 | 1970 |
---|---|---|---|---|---|---|---|
კომლი | 59 | 31 | 44 | 43 | 49 | ||
სული | 431 | 280 | 453 | 499 | 286 | 313 | 56 |
ძეგლევში ცხოვრობდნენ შემდეგი გვარის წარმომადგენლები: აბაიშვილი, აბესალაშვილი, ავზნარაძე, ბერიშვილი, ბენდელიანი, კახეთელიძე, კეკენაძე, კერესელიძე, კოკონაშვილი, ლოლასპიშვილი, მაგრაქველიძე, მოსიძე, პატოტიშვილი, ტოგონიძე, ქაფიანიძე, ქებაძე, შოშაშვილი, ჩალაძე, ჩუმაშვილი, ხიდეშელი, ხუციშვილი, ჯაფარიძე.
ლიტერატურა[რედაქტირება | წყაროს რედაქტირება]
- გობეჯიშვილი ვ., ჩემი თვალით დანახული რაჭა, თბ., 2017, გვ. 558-560
რესურსები ინტერნეტში[რედაქტირება | წყაროს რედაქტირება]
- ძეგლევი — საქართველოს პარლამენტის ეროვნული ბიბლიოთეკა
- კულტურული მემკვიდრეობის პორტალი, № 16424