ციმბირული გარეთხა (ლათ.Capra sibirica) — წყვილჩლიქოსანიძუძუმწოვარითხის გვარისა. მისი სხეულის სიგრძეა 130-165 სმ, მასა 100-130 კგ. აქვს ძალზე დიდი და მასიური რქები (ვაცის რქების სიგრძე 130 სმ-მდეა, ნეზვისა 40 სმ-მდე). შეფერილია მონაცრისფრო-მურად. ზურგის გასწვრივ გასდევს მურა ზოლი. გავრცელებულია სამხრეთ ციმბირის შუა და ცენტრალური აზიის მთებში. მაკეობის ხანგრძლივობაა 170-180 დღე-ღამე. შობს ერთ, იშვიათად 2 თიკანს. ბუნებაში ცოცხლობს 15-17 წელი, რაოდენობის მკვეთრი შემცირების გამო ციმბირულ გარეთხაზე ნადირობა მრავალ ადგილას აკრძალულია.
