ციგაის ცხვარი — ნახევრად წმინდამატყლიანი ცხვრის ჯიში სახორცე-სამატყლე-მერძეული მიმართულებისა. უძველესი ჯიშია, წარმოშობა ზუსტად დადგენილი არ არის. გარეგნობითა და მატყლის ხარისხით მერინოსს უახლოვდება. მისი მატყლი დრეკადია, მაგარი და მცირედ თელვადი. კარგი ნედლეულია ტექნიკური მაუდისა და ტრიკოტაჟის ნაწარმისათვის. ტყაპუჭს იყენებენ ბეწვეულის დასამზადებლად. ციგაის ცხვარი ადრეულია, საძოვარზე კარგად იკვებება და სუქდება. ნერბი გამოირჩევა მაღალი ნაყოფიერებითა და რძიანობით. ციგაის ცხვარს კარგი აკლიმატიზაციის უნარი გააჩნია. ჯიში მოშენებულია ბულგარეთში, უნგრეთში, ყოფილ იუგოსლავიის ქვეყნებში, რუმინეთში, სამხრ. უკრაინაში, მოლდოვასა და რუსეთში, კერძოდ სარატოვის, ორენბურგის, სამარის და აქტობეს ოლქებში.
უნგრეთი