ჩინური ზოდიაქო

ამ სტატიას ან სექციას ვიკიფიცირება სჭირდება ქართული ვიკიპედიის ხარისხის სტანდარტების დასაკმაყოფილებლად. იმ შემთხვევაში, თუ არ იცით, თუ რა არის ვიკიფიცირება, იხ. დახმარების გვერდი. სასურველია ამის შესახებ აცნობოთ იმ მომხმარებლებსაც, რომელთაც მნიშვნელოვანი წვლილი მიუძღვით სტატიის შექმნაში. გამოიყენეთ: {{subst:ვიკიფიცირება/info|ჩინური ზოდიაქო}}

ჩინური ზოდიაქო

ჩინური ზოდიაქო — მოიცავს თორმეტწლიან ციკლს, სადაც თითოეული წელი სხვადასხვა ცხოველის სახითაა წარმოდგენილი. ადამიანის დაბადების წელი უკავშირდება ერთ-ერთი ასეთი ცხოველის წესს. ჩინური ზოდიაქოს მიხედვით, ადამიანების ხასიათი გარკვეულწილად მისი დაბადების წლით განისაზღვრება. ჩინელებისათვის ყოველთვის მნიშვნელოვანი იყო ზოდიაქო. ის ხალხური ფოლკლორის განუყოფელი ნაწილია და კარგად გადმოსცემს ჩინელების ფსიქოლოგიას.

ლეგენდები

არსებობს არაერთი ლეგენდა, რომელიც გადმოსცემს, თუ რა მიზეზით განასახიერებს ესა თუ ის ცხოველი რომელიმე წელიწადს. ერთ-ერთი ვერსიის მიხედვით, ყვითელმა იმპერატორმა, რომელიც ითვლება ჩინელი ხალხის წინაპრად, გადაწყვიტა გაემართა შეჯიბრი. ამ შეჯიბრის მიხედვით, იგი შეარჩევდა თორმეტ ცხოველს, რომლებიც მას დაიცავდნენ. ამ ამბავმა ცხოველთა სამყაროში გამოიწვია არეულობა. ვირთხას სიაში კატის ჩაწერაც დაევალა, თუმცა დაავიწყდა. სწორედ ამიტომ კატა და ვირთხა ერთმანეთს დღესაც ემტერებიან.

ასევე გავრცელებულია ლეგენდა, რომლის თანახმადაც, ხარი თორმეტთაგან ყველაზე დიდი ცხოველი, უნდა ყოფილიყო პირველი, მაგრამ ვირთხა, რომელიც ყველაზე ჭკვიანი და მოხერხებული იყო, გადაახტა ხარს. ამის გამო, „ცხოველთა წლები“ ასეთი თანმიმდევრობითაა დალაგებული: ვირთხის - 鼠 shŭ; ხარის - 牛 niú; ვეფხვის - 虎 hŭ; კურდღლის - 兔 tù; დრაკონის - 龙 (龍) lóng; გველის - 蛇 shé; ცხენის - 马 (馬) mă; თხის - 羊 yáng; მაიმუნის - 猴 hóu; მამლის - 鸡 (鷄) jī; ძაღლის - 狗 gŏu და ღორის - 猪 (豬) zhū წლებად.

ლიტერატურა

• „რა ვიცით ჩინეთის შესახებ?“, გვ.44, თბილისი, 2016

რესურსები ინტერნეტში

• შეგიძლიათ იხილოთ მედიაფაილები თემაზე „ჩინური ზოდიაქო“ ვიკისაწყობში.