ჩებურაშკა

ჩებურაშკა (ინგლ. Чебурашка) — რუს მწერალ ედუარდ უსპენსკის წიგნების პერსონაჟი. მის შესახებ წიგნები ეკრანიზებულია სოიუზმულტფილმის მიერ.

სიუჟეტი და გმირები

ჩებურაშკა - გამოგონილი პატარა არსება დიდი ყურებით და ყავისფერი ბეწვით - დიდ ქალაქში ხვდება ნიანგ გენას. ერთად ისინი ეძებენ მეგობრებს, რომელთა შორისაა პიონერი გალია და ლომი ჩანდრი და ეხმარებიან ხალხს და მოლაპარაკე ცხოველებს. მათი მთავარი მოწინააღმდეგეა ბებერი შაპოკლიაკი.

ანიმაციური ფილმები

საბჭოთა ფილმები

რომან კაჩანოვის მიერ გადაღებული იქნა ოთხი მოკლემეტრაჟიანი ანიმაციური ფილმი ჩებურაშკას შესახებ.

• 1969 — ნიანგი გენა
• 1971 — ჩებურაშკა
• 1974 — შაპოკლიაკი
• 1983 — ჩებურაშკა მიდის სკოლაში

1990 წელს გამოვიდა რეჟისორ გარი ბარდინის ანიმაციური ფილმი მგელი ენდ წითელქუდა (Серый волк энд Красная Шапочка), რომელშიც ჩებურაშკა და გენა დამატებითი პერსონაჟები არიან.

იაპონური ფილმები

2003 წელს ტოკიოს საერთაშორისო ანიმაციურ ბაზრობაზე ფირმამ SP International სოიუზმულტფილმისგან შეიძინა იაპონიაში ჩებურაშკას შესახებ ფილმების 2023 წლამდე დისტრიბუციის უფლება. .

იაპონურ ტელეარხ TV Tokyo-ზე ნაჩვენები იქნა ანიმე სერიალის 26 ეპიზოდში, რომელიც ჩებურაშკაზეა, სახელწოდებით Cheburashka Arere?.

2010 წელს იაპონიაში ხელახლა იქნა გადაღებული ნიანგი გენა. აგრეთვე შეიქმნა ორი ახალი თოჯინური ფილმი ჩებურაშკა და ცირკი და შაპოკლიაკის რჩევები. . მოცემული ფილმების რუსეთში ჩვენება, ფილმ ჩებურაშკას სახით დაგეგმილი იყო 2014 წელს, თუმცა გადაიდო ბუნდოვანი საავტორო უფლებების გამო.

რესურსები ინტერნეტში

• შეგიძლიათ იხილოთ მედიაფაილები თემაზე „ჩებურაშკა“ ვიკისაწყობში.
• რუსული მოყვარულთა საიტი
• ოფიციალური იაპონური საიტი