შუახევის მუნიციპალიტეტის გერბი

შუახევის მუნიციპალიტეტის გერბი
დეტალები
დამტკიცდა	28 თებერვალი, 2013
გვირგვინი	სამკოშკიანი ქონგურებიანი საქალაქო ვერცხლის გვირგვინი
ფარი	ლაჟვარდის ორთითასებრი ჰერალდიკური ჯვარი, ოქროს სამკოშკიანი ციხე-სიმაგრე, ოქროს ხიდი.
ფარმჭერები	ვერცხლ-ზურმუხტოვანი ბაფთა
დევიზი	შუახევი

შუახევის მუნიციპალიტეტის გერბი — შუახევის მუნიციპალიტეტის სახელმწიფო სიმბოლო დროშასთან ერთად. მიღებულია შუახევის მუნიციპალიტეტის საკრებულოს მიერ 2013 წლის 28 თებერვალს №1 დადგენილებით.

აღწერილობა

გერბის ფარის ზურმუხტოვან ველს სამ ნაწილად ყოფს ვერცხლის ქობაშემოვლებული ლაჟვარდის ორთითასებრი ჰერალდიკური ჯვარი, რომელზეც მოთავსებულია მცირე ფარი — მეწამულ ველზე ოქროს სამკოშკიანი ციხე-სიმაგრე. შუა კოშკი ოდნავ მაღალია, ციხე-სიმაგრის ქვევით გამოსახულია ოქროს ხიდი.

გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

ფარს ქვემოთ მოთავსებულია გერბის დევიზის ვერცხლ-ზურმუხტოვანი ბაფთა, რომლის ვერცხლის ველზე შავად ჩაწერილია დევიზი — „შუახევი“

რესურსები ინტერნეტში

• შუახევის მუნიციპალიტეტის გერბი და დროშა