შტეფან ცვაიგი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
შტეფან ცვაიგი
Stefan Zweig 1900 cropped.jpg
დაბ. თარიღი 28 ნოემბერი 1881(1881-11-28)[1] [2] [3] [4]
დაბ. ადგილი ვენა[5]
გარდ. თარიღი 22 თებერვალი 1942(1942-02-22)[6] [5] (60 წელი)
გარდ. ადგილი პეტროპოლისი[5]
საქმიანობა მწერალი, მთარგმნელი, ჟურნალისტი, დრამატურგი, პოეტი, ლიტერატურული კრიტიკოსი, ისტორიკოსი, ბიოგრაფი და რომანისტი
მოქალაქეობა Flag of the United Kingdom.svg გაერთიანებული სამეფო
ავსტრია-უნგრეთის იმპერია
Magnum opus The Royal Game
მეუღლე ფრიდერიკ მარია ცვაიგი
ხელმოწერა Stefan Zweig Signature 1927.jpg

შტეფან ცვაიგი (დ. 28 ნოემბერი 1881, ვენა, ავსტრია – გ. 22 თებერვალი, 1942, პეტროპოლისი, ბრაზილია) – ავსტრიელი ებრაელი მწერალი.

ბიოგრაფია[რედაქტირება | წყაროს რედაქტირება]

ცვაიგი დაიბადა ავსტრიაში, კერძოდ ქ. ვენაში. ვენის უნივერსიტეტში იგი სწავლობდა ფილოსოფიას და ფსიქოანალიზის თეორიას, სადაც ასევე მოღვაწეობდა ცნობილი ფსიქიატრი და ნევროლოგი, ფსიქოანალიზის მამამთავარი ზიგმუნდ ფროიდი, რომელიც ცვაიგის უფროსი თანამედროვე, მისი მეგობარი და მკურნალი ექიმიც კი იყო. ცვაიგმა თავიდან მოკლე მოთხრობების წერა დაიწყო, რამაც საქვეყნოდ ცნობილი და პოპულარული გახადა. ამავე დროს იგი ძალიან აქტიურად თარგმნიდა მრავალ ფრანგულ ნამუშევარს გერმანულად. 1927 წელს, როდესაც შტეფან ცვაიგის ნოველების ციკლ "ჯაჭვის" სამივე ტომი ერთდროულად გამოიცა, ავტორის მოთხოვნის შესაბამისად, სამივე წიგნი სხვადასხვა ფერის ყდაში ჩასვეს: მწვანესა, ნარინჯისფერსა და ცისფერში. მწერალს ამ მხრივაც უნდოდა ხაზი გაესვა, რომ საქმე ეხებოდა ადამიანის განცდათა ტიპოლოგიურ გამას, დალაგებულს ასაკობრივი თანამიმდევრობით: მწვანე ხატოვნად გამოხატავდა ბავშვობას, ნარინჯისფერი - სიმწიფის ხანას, ხოლო ღია ლურჯი - კლიმაქტერიული ხანდაზმულობის პერიოდს. და საერთოდაც, ემოციების ანალიზი, განცდათა ეტიოლოგიის შესწავლა ცვაიგის უდიდესი გატაცება იყო. პირველმა მსოფლიო ომმა მას დიდი ტკივილი მიაყენა, როგორც ადამიანს და ასევე როგორც მწერალს. იქიდან გამომდინარე, რომ იგი ებრაელი იყო, იძულებული გახდა ავსტრიიდან წასულიყო. მან ვერსად ჰპოვა სულიერი სიმშვიდე და 1942 წლის 22 თებერვალს პეტროპოლისში თავი მოიკლა.

სქოლიო[რედაქტირება | წყაროს რედაქტირება]

  1. data.bnf.fr: პლატფორმა ღია მონაცემები — 2011.
  2. Encyclopædia Britannica
  3. SNAC
  4. ბროდვეის ინტერნეტ მონაცემთა ბაზა — 2000.
  5. 5.0 5.1 5.2 Цвейг Стефан / под ред. А. М. Прохоров — 3-е изд. — Москва: Советская энциклопедия, 1969.
  6. Person Profile // კინოფილმების ინტერნეტ-მონაცემთა ბაზა — 1990.