ვენესუელის შტატები

ვენესუელის შტატები

ვენესუელა იყოფა 23 შტატად (estados), 1 ფედერალურ ოლქად (Distrito Capital) და ფედერალურ სამფლობელოებად (Dependencias Federales) რომელიც მოიცავს ვენესუელის მრავალრიცხოვან კუნძულებს. ვენესუელა ასევე პრეტენზიას აცხადებს გაიანა-ესეკიბას ტერიტორიაზე, რომელიც მოიცავს დამოუკიდებელ სახელმწიფო გაიანას 6 რაიონს.

ისტორიული შტატები

ფედერალურ ომამდე (1859–1863), ვენესუელა იყოფოდა პროვინციებად. გამარჯვებული ძალები თითოეული შტატისთვის უფრო მეტი ავტონომიის მიცემას ფიქრობდნენ, მაგრამ ეს არ განხორციელდა.

1863 წლიდან ადრეულ 1900-იან წლებამდე ქვეყანაში მრავალი ტერიტორიული ცვლილება მოხდა, მათ შორის იყო შტატების გამსხვილება თუ დაყოფა, მაგრამ ამ პერიოდიდან 1990-იან წლებამდე შტატების საზღვრები უცვლელი რჩებოდა. ბოლო წლებში შეიქმნა რამდენიმე ახალი შტატი: დელტა-ამაკურო, ამასონასი და ვარგასი.

შტატები

მოცემულია ვენესუელის 23 შტატი. მათთან ერთად ცხრილში განთავსებულია მათი სიმბოლოები, მონაცემები და მდებარეობა.

დროშა	გერბი	შტატი	დედაქალაქი	მოსახლეობა (2010 სავარ.)	ფართობი	რეგიონი	მდებარეობა
		ამასონასი	პუერტო-აიაკუჩო	142 200	180 145 კმ²	გაიანა
		ანსოატეგი	ბარსელონა	1 654 900	43 300 კმ²	ნორ-ორიენტალი
		აპურე	სან-ფერნანდო-დე-აპურე	499 900	76 500 კმ²	ლიანოსი
		არაგუა	მარაკაი	1 665 200	7 014 კმ²	ცენტრალური
		ბარინასი	ბარინასი	756 600	35 200 კმ²	ანდური
		ბოლივარი	სიუდად-ბოლივარი	1 852 800	238 000 კმ²	გაიანა
		კარაბობო	ვალენსია	2 531 000	4 650 კმ²	ცენტრალური
		კოხედესი	სან-კარლოსი	340 300	14 800 კმ²	ცენტრალური
		დელტა-ამაკურო	ტუკუპიტა	159 700	40 200 კმ²	გაიანა
		ფალკონი	კორო	961 500	24 800 კმ²	ცენტრალური-დასავლეთი
		გუარიკო	სან-ხუან-დე-ლოს-მოროსი	745 100	64 986 კმ²	ლიანოსი
		ლარა	ბარკისიმეტო	1 999 100	19 800 კმ²	ცენტრალური-დასავლეთი
		მერიდა	მერიდა	895 800	11 300 კმ²	ანდური
		მირანდა	ლოს-ტეკესი	3 010 900	7 950 კმ²	დედაქალაქის
		მონაგასი	მატურინი	999 300	28 930 კმ²	ნორ-ორიენტალი
		ნუევა-ესპარტა	ლა-ასუნსიონი	508 900	1 150 კმ²	კუნძულოვანი
		პორტუგესა	გუანარე	919 400	15 200 კმ²	ცენტრალური-დასავლეთი
		სუკრე	კუმანა	945 600	11 800 კმ²	ნორ-ორიენტალი
		ტაჩირა	სან-კრისტობალი	1 225 300	11,100 კმ²	ანდური
		ტრუხილიო	ტრუხილიო	747 400	7 400 კმ²	ანდური
		ვარგასი	ლა-გუაირა	337 900	1 496 კმ²	დედაქალაქის
		იარაკუი	სან-ფელიპე	640 700	7 100 კმ²	ცენტრალური-დასავლეთი
		სულია	მარაკაიბო	4 020 200	63 100 კმ²	სულიას

სპეციალური სტატუსის არეალები

დროშა	გერბი	არეალი	დედაქალაქი	მოსახლეობა (2007 სავარ.)	ფართობი	მდებარეობა
		ფედერალური ოლქი	კარაკასი	2 085 500	433 კმ²
		ფედერალური სამფლობელოები	ლოს-როკესი	15 420	342 კმ²

სახელები

ზოგიერთ შტატს სახელი მიღებული აქვს ისტორიული ფიგურების პატივსაცემად:

• ანსოატეგი — ხოსე ანტონიო ანსოატეგი
• ბოლივარი — სიმონ ბოლივარი
• ფალკონი — ხუან კრისოსტომო ფალკონი
• ლარა — ხასინტო ლარა
• მირანდა — ფრანსისკო მირანდა
• მონაგასი — ხოსე ტადეო მონაგასი და ხოსე გრეგორიო მონაგასი
• სუკრე — ანტონიო ხოსე დე სუკრე
• ვარგასი — ხოსე მარია ვარგასი

ზოგიერთ შტატს სახელი მიღებული აქვს ბუნებრივი მახასაითებლებისგან:

• ამასონასი — მდინარე ამაზონი
• აპურე — მდინარე აპურე
• არაგუა — მდინარე არაგუა
• ბარინასი — მდინარე ბარინასი
• კოხედესი — მდინარე კოხედესი
• დელტა-ამაკურო — მდინარე ამაკუროს დელტა
• გუარიკო — მდინარე გუარიკო
• პორტუგესა — მდინარე პორტუგესა
• ტაჩირა — მდინარე ტაჩირა
• იარაკუი — მდინარე იარაკუი

სხვა სახელთა წარმომავლობა

• კარაბობო — სახელი ეწოდა ეთნიკური სოფლისგან.
• კარაკასი — სახელი ეწოდა ადგილობრივთა ჯგუფ კარაკასისაგან.
• მერიდა — დედაქალაქ მერიდასგან, რომელმაც თავისმხრივ სახელი ესპანეთის ქალკაქ მერიდასგან მიიღო.
• ნუევა-ესპარტა (ახალი სპარტა) — სახელი ეწოდა ვენესუელის დამოუკიდებლობისათვის ომში მისი მოსახლეობის მიერ გამოჩენილი სიმამაცის გამო, რასაც ძველბერძენი სპარტელი მეომრების სიმამაცეს ადარებენ.
• ტრუხილიო — დედაქალაქ ტრუხილიოსგან
• სულია — მომდინარეობს ჩიბჩას ხალხის ენის ვოკალური ტრანსლიტერაციისგან, ამ სახელს ისინი ეგზოტიკურ, ლურჯყვავილებიან მცენარეს უწოდებდნენ (Lobelia erinus)

რესურსები ინტერნეტში

• CityMayors feature
• სამთავრობო საიტი დაარქივებული 2006-02-03 საიტზე Wayback Machine.

ვიკისაწყობში არის გვერდი თემაზე:

ვენესუელის შტატები