ყრილი

ყრილი სქემაზე

ყრილი ყოფილ რკინიგზაზე დიდ ბრიტანეთში

ყრილი — ნაგებობა დატკეპნილი გრუნტისგან, გარშემო მდებარე მიწაზე ამაღლებული. სატრანსპორტო მშენებლობაში გამოიყენება, რათა თავიდან იქნეს აცილებული ლიანდაგის გასწვრივ სიმაღლეთა სხვაობა. ამავე მიზნებისთვის გამოიყენება ჭრილი, თუ არსებული რელიეფის სიმაღლე მოთხოვნილზე მაღალია.

როგორც წესი გამოიყენება საავტომობილო გზების, რკინიგზის ლიანდაგების და არხების ასაშენებლად, რათა თავიდან ავიცილოთ ძლიერი სიმაღლეთა სხვაობა სატრანსპორტო ხაზებზე. ყრილების ალტერნატივა შეიძლება იყოს შემოვლითი გზების ან გზაგამტარების აშენება. ყრილები ხშირად შენდება ჭრილის მშენებლობის შედეგად მიღებული გრუნტის გამოყენებით.

მასალები

ყრილების მშენებლობა ხორციელდება ჭრილების მშენებლობისგან დარჩენილი მასალების გამოყენებით. ყრილი უნდა იყვეს ჰაერ- და წყალგაუმტარი, გაკეთებული დატკეპნილი ან აბსოლუტურად უფორო მასალით. მან უნდა უზრუნველყოს შესაბამისი მხარდაჭერა სტაბილური და გრძელვადიანი ზედაპირის შესაქმნელად, რომელზეც აშენდება გზა.

ყრილების გადალახვა

ყრილების გადასალახავად ესტაკადების გამოყენების გარეშე ჩვეულებრივ აშენებენ გვირაბების სერიას, რომლებიც მოიცავენ ვიადუკების სექციებს მაღალი სიმტკიცის ზღვარით (შენდება აგურისგან ან ლითონისგან) ან წყვილ სტაციონარულ ხიდის ბურჯს.

ლიტერატურა

• Scott, J., Loveridge, F., & O'Brien, A. S. (2007). Influence of climate and vegetation on railway embankments

რესურსები ინტერნეტში

• Federal Highway Administration Design Manual: Deep Mixing for Embankment and Foundation Support Federal Highway Administration