ყველისსოკო (ლათ.Panus rudis) — ქუდიანი სოკო ფირფიტოსანთარიგისა. ქუდის დიამეტრია 2-8 სმ, ზედაპირი დაფარულია ჯაგრისებრი ბეწვებით; მეტწილად ძაბრისებრია, ზოგჯერ გართხმული, მოყვითალო-მოწითალო ან ყავისფერი, წვიმიან ამინდში — მოიისფრო.
ქუდის ქვედა მხარეს დაღმავალი ფირფიტებია განვითარებული. ფეხი ხშირბუსუსიანია, ქუდის ფერი. იზრდება ჯგუფებად გამხმარ და დამპალ ხეებზე, განსაკუთრებით წიფელზე, გაზაფხულ-შემოდგომით. საჭმელად ვარგისია მხოლოდ ნორჩი; გამხმარი და დაფქული იხმარება ყველის ამოსაყვანად (კვეთის მაგივრად). ყველისსოკო პირველად აიღწერა მიკოლოგის ლუის დევიდ შვაინიცის მიერ 1822 წელს. საქართველოს ზოგიერთ კუთხეში კაციყურასაც უწოდებენ.