ყაზახეთის საპრეზიდენტო არჩევნები (2019) — ვადამდელი საპრეზიდენტო არჩევნები ყაზახეთში, რომელიც 2019 წლის 9 ივნისს გაიმართა. ამომრჩეველთა აქტივობამ 77,4% შეადგინა. ხმათა 70,76%-ით გაიმარჯვა ყასიმ-ჟომართ თოყაევმა „ნურ ოტანიდან“.
2015 წელს ნურსულთან ნაზარბაევი მეხუთე ვადით აირჩიეს ყაზახეთის პრეზიდენტად; შემდეგი არჩევნების ჩატარება იგეგმებოდა 2020 წელს, მაგრამ, მოულოდნელად, 2019 წლის მარტში ნაზარბაევმა თანამდებობა დატოვა. დროებით პრეზიდენტად დაინიშნა ყასიმ-ჟომართ თოყაევი, რომელმაც ნაადრევი საპრეზიდენტო არჩევნები 2019 წლის 9 ივნისს დანიშნა.