ღაჟოსებრნი

მასალა ვიკიპედიიდან — თავისუფალი ენციკლოპედია
Jump to navigation Jump to search
ღაჟოსებრნი
Graumantelwuerger.jpg
მხარრუხა ღაჟო (Lanius excubitoroides)
მეცნიერული კლასიფიკაცია
ლათინური სახელი
Laniidae (Rafinesque, 1815)

ღაჟოსებრნი[1][2] (ლათ. Laniidae) — ფრინველთა ოჯახი ბეღურასნაირთა რიგისა. მოიცავს აფრიკაში, ევროპაში, აზიაში, ჩრდილოეთ ამერიკაში და მთელ რიგ ოკეანურ კუნძულებზე გავრცელებულ 3 გვარის 32 სახეობას (არ არიან ავსტრალიაში, კუნძულ მადაგასკარზე).[3] მათი სხეულის სიგრძე 15-30 სმ (ზოგი გრძელბოლოიანი ფორმისა 45 სმ), მასა 25-120 გ აღწევს. ნისკარტი მოღუნულია, გვერდებიდან შებრტყელებული, წვეროზე კბილაკით აქვთ მოკლე, მომრგვალო ფრთები. აგრესიული ფრინველები არიან. ბინადრობენ ტყისპირებში, მეჩხერ ტყეებში, ბუჩქნარიან ღია ადგილებში, კულტურულ ლანდშაფტში. ბუდეს იკეთებენ ხესა ან ბუჩქზე, დებენ 4-6 კვერცხს, რომელთა ინკუბაცია 2 კვირამდე გრძელდება. იკვებებიან მსხვილი მწერებით, წრუწუნებით, ხვლიკებით, წვრილ-წვრილი ფრინველებით, იკეთებენ მარაგს (ნადავლს ეკალზე წამოაცმევენ). საქართველოში ბუდობს 3 სახეობა: კავკასიური ღაჟო (Lanius collurio), შავშუბლა ღაჟო (Lanius minor) და წითელთავა ღაჟო (Lanius senator). უკანასკნელი შეტანილია საქართველოს „წითელ წიგნში“. საქართველოში ზამთრობს რუხი ღაჟო (Lanius excubitor).

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. კუტუბიძე მ., ფრინველების ნომენკლატურული ტერმინოლოგია, გვ. 80, 161, 208, თბ.: გამომც. „მეცნიერება“, 1973.
  2. Laniidae — ინგლისურ-ქართული ბიოლოგიური ლექსიკონი.
  3. ღაჟოსებრნი (TSN 178509). ინტეგრაციული ტაქსონომიის საინფორმაციო სისტემა.