შინაარსზე გადასვლა

ქვემო წყარო

მასალა ვიკიპედიიდან — თავისუფალი ენციკლოპედია
სოფელი
ქვემო წყარო
ქვეყანა საქართველოს დროშა საქართველო
ავტონომიური რესპუბლიკა აფხაზეთის არ
მუნიციპალიტეტი გულრიფშის მუნიციპალიტეტი
თემი წებელდა
კოორდინატები 43°01′50″ ჩ. გ. 41°16′06″ ა. გ. / 43.03056° ჩ. გ. 41.26833° ა. გ. / 43.03056; 41.26833
ადრეული სახელები ქვემო ლემსა
მოსახლეობა 0 კაცი (2002)
სასაათო სარტყელი UTC+4
სატელეფონო კოდი +995
ქვემო წყარო — საქართველო
ქვემო წყარო
ქვემო წყარო — აფხაზეთის ავტონომიური რესპუბლიკა
ქვემო წყარო
ქვემო წყარო — გულრიფშის მუნიციპალიტეტი
ქვემო წყარო

ქვემო წყარო (1948 წლამდე ქვემო ლემსა[1] ) — სოფელი აფხაზეთის ავტონომიურ რესპუბლიკაში, გულრიფშის მუნიციპალიტეტში (წებელდის თემი). მდებარეობს მდინარე კოდორის ქვემო დინების ხეობაში, სოხუმის სამხედრო გზაზე, ზღვის დონიდან 380 მ-ზე, გულრიფშიდან 22 კმ-ში, კელასურიდან (უახლოესი რკინიგზის სადგური) 25 კმ-ში.

სოფელი ისტორიული წებელდის ნაწილია. XIX საუკუნეში ამ მიდამოებში იყო დასახლება ჯიმაშთა. 1870-იან წლებში წებელდელი აფხაზეთის გადასახლების (მუჰაჯირობის) შემდეგ აქ მამულებს ფლობდა გერმანელი რეინჰარდი, რის გამოც წებელდაში ჩასახლებული სომხები ამ ტერიტორიას „ლემსას“ (რუს. „ნემცი“-დან) უწოდებდნენ. 1920-1940-იან წლებში არსებობდა ზემო ლემსა, ქვემო ლემსა და შუა ლემსა. 1948 წელს ზემო ლემსა და შუა ლემსა გაერთიანდა და ეწოდა ზემო წყარო,[2] ქვემო ლემსას — ქვემო წყარო. 1996 წელს აფხაზეთის სეპარატისტულმა ხელისუფლებამ ზემო წყაროს დაარქვა ადგილხუა (აფხ. Адгьылхәа), ხოლო ქვემო წყაროს — ჯმაშთა (Джмашта).[3] 1989 წლის აღწერით ქვემო წყაროში იყო 99 მცხოვრები, ძირითადად სომხები.

ოკუპირებული ტერიტორიების შესახებ საქართველოს კანონით (2008 წლის 23 ოქტომბერი) ტერიტორია განსაზღვრულია, როგორც რუსეთის ფედერაციის სამხედრო აგრესიის შედეგად ოკუპირებული. დადგენილია ამ ტერიტორიების განსაკუთრებული სამართლებრივი რეჟიმი.

  1. ↑ საქართველოს სსრ უმაღლესი საბჭოს უწყებები, №1-2 (14-15), გვ. 31, თბ., 1948 წ. ISSN 0203-2023
  2. ↑ საქართველოს სსრ უმაღლესი საბჭოს უწყებები, №1-2 (14-15), გვ. 33, თბ., 1948 წ. ISSN 0203-2023
  3. ↑ Кварчия В. Е. Историческая и современная топонимия Абхазии (Историко-этимологическое исследование). - Сухум. 2006.