ქვემო ნიჩბისის წმინდა ნიკოლოზის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

ქვემო ნიჩბისის წმინდა ნიკოლოზის ეკლესიაეკლესია მცხეთის მუნიციპალიტეტის სოფელ ქვემო ნიჩბისში. მდებარეობს სოფლის სამხრეთით. სტილისტური ნიშნებით თარიღდება XVI-XVII საუკუნეებით. XVIII საუკუნეში ეკლესიის ქვედა ნაწილისათვის გასამაგრებლად შემოუშენებიათ ახალი კედელი (სისქე 0,65 მ), რომელიც შემოსილია კარგად გათლილი კვადრებით.

ეკლესია ცენტრალურ-გუმბათოვანი ნაგებობაა (16,7 X 15 მ), ნაშენია ნატეხი ქვით, კუთხეებში კარგად გათლილი კვადრებია გამოყენებული. ეკლესიაში შესასვლელი დასავლეთიდანაა. გუმბათი საკურთხევლის კუთხეებსა და დასავლეთის ორ სვეტს ეყრდნობა. ყველა მკლავში თითო სარკმელია. პატარა სარკმლები სამხრეთ და ჩრდილოეთ კედლებშიცაა. საკურთხევლის ორივე მხარეს გეგმით მართკუთხა სადიაკვნე და სამკვეთლოა. ორივე სათავსში თითო სარკმელი და მცირე ნიშებია. ეკლესიის შიდა კედლები მოპირკეთებულია თლილი ქვით. ფასადები XVIII საუკუნეში უხვად მოურთავთ, მაგრამ მორთულობა მშრალი და მდარეა.

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]