ქართული გაერთიანებული სამხედრო სკოლა

მასალა ვიკიპედიიდან — თავისუფალი ენციკლოპედია
Jump to navigation Jump to search

ქართული გაერთიანებული სამხედრო სკოლასაბჭოთა არმიის მსროლელი, საარტელერიო და ცხენოსანი დანაყოფების მეთაურთა მოსამზადებელი საშუალო სასწავლებელი. დაარსდა 1921 წლის სექტემბერში თბილისში, ქართული სამეთაურო კურსების ბაზაზე და 1923 წლამდე ქართული შეერთებული სამხედრო სკოლა ეწოდებოდა. 1923 წელს გადაეცა საქართველოს ცაკის წითელი დროშა და ოფიციალურად ეწოდა ქართული გაერთიანებული სამხედრო სკოლა. იგი შედგებოდა მსროლელი, მეტყვიამფქვევეთა ასეულების, საარტეტილერიო და ცხენოსანი განყოფილებებისაგან. სწავლის ხანგრლივობა — 1,5—2 წელი. კურსანტთა პირველ ნაკადში 43 კომუნისტი და კომკავშირელი იყო. არსებობის მანძილზე ქართული გაერთიანებული სამხედრო სკოლამ 5 ნაკადი (1922, 1924, 1925, 1926, 1927) გამოუშვა (სულ 591 ახალგაზრდა მეთაური). სკოლის უფროსებად სხვადასხვა დროს იყვნენ შ. დანელია ი. (ვალიკო) ტალახაძე, ა. გედევანიშვილი, კომისრებად — ბ. ძნელაძე, კ. ჭკუასელი, თედორე (სოსო) ბუაჩიძე, ა. რამიშვილი, გ. დევდარიანი, შ. ოკუჯავა. ზოგადსაგანამანათლებლო საგნებს ასწავლიდნენ ცნობილი პედაგოგები და სწავლულები. ქართული გაერთიანებული სამხედრო სკოლა დაამთავრეს გენერალ-პოლკოვნიკებმა, საბჭოთა კავშირის გმირებმა: კონსტანტინე ლესელიძემ და პ. ჩანჩიბაძემ, გენერალ-ლენტენანტმა ვ. მჟავანაძემ, გენერალ-მაიორებმა პავლე აბრამიძემ, ივანე ბაბალაშვილმა, ნ. თავართქილაძემ, ნ. კალაძემ, დ. ნამგალაძემ, ი. რაზმაძემ, მ. როსტომაშვილმა, ი. სილაგაძემ, პანტელეიმონ შიოშვილმა, ვ. ძაბახიძემ, გ. ჭინჭარაძემ, კონტრ.-ადმირალმა მ. ჯინჭარაძემ და სხვებმა. ქართული გაერთიანებული სამხედრო სკოლის რაზმები მონაწილეობდნენ კონტრრევოლუციური ბანდების განადგურებაში ხევსურეთსა (1922) და გურიაში (1923). 1927 წელს თბილისის სამხედრო ქვეითთა სკოლის, ქართული გაერთიანებული სამხედრო სკოლის, აზერბაიჯანის და სომხეთის სამხედრო ბაზაზე შეიქმნა ამიერკავკასიის ბაქოს 26 კომისრის სახელობის ქვეითთა სამხედრო სკოლა.

ლიტერატურა[რედაქტირება | წყაროს რედაქტირება]

  • სამშობლოს სადარაჯოზე. ნარკვევები, მოგონებები, თბ., 19825;
  • ყურაშვილი გ., სამშობლოს ერთგული შვილები, თბ., 1965;
  • ცქიტიშვილი კ., ჩინჩილაკაშვილი ტ., საბჭოთა კავშირის გმირები საქართველოდან, თბ., 1977;