ქანთრის დიდების დარბაზი და მუზეუმი

ქანთრის დიდების დარბაზი და მუზეუმი
ინგლ. Country Music Hall of Fame and Museum
36°09′29″ ჩ. გ. 86°46′34″ დ. გ.
დაარსდა	1961
ქვეყანა	ამერიკის შეერთებული შტატები
დამაარსებლები	CMA
მდებარეობა	ნეშვილი
ვიზიტორები	1 245 106 (2017)
დირექტორი	კაილ იანგი
ოფიციალური საიტი	[ოფიციალური ოფიციალური]

ქანთრის დიდების დარბაზი და მუზეუმი (ინგლ. Country Music Hall of Fame and Museum) — ერთ-ერთი უმსხვილესი მუზეუმი, პოპულარული მუსიკის კვლევითი ცენტრი და ქანთრის არტეფაქტების საცავი. მდებარეობს ნეშვილში, ტენესის შტატში და აკრედიტებულია ამერიკის ეროვნული მუზეუმების ალიანსის მიერ. დაარსების დღიდან მუზეუმს მართავს არაკომერციული ორგანიზაცია „ქანთრი მუსიკის ფონდი“.

სამუზეუმო და საგამოფენო საქმიანობის გარდა, დაწესებულება დაკავებულია ისტორიული ობიექტების მართვით, გამოსცემს იშვიათ მუსიკალურ და ვიდეო ჩანაწერებს, წიგნებს, აწარმოებს საგანმანათლებლო მასალებს, აგრეთვე უზრუნველყოფს ქანთრისთან დაკავშირებულ საგანმანათლებლო და საკონსულტაციო მომსახურებებს. ორგანიზაცია 1961 წლიდან მართავს „ქანთრის დიდების დარბაზის“ ყოველწლიურ დაჯილდოების ცერემონიას, სადაც ჯილდოვდებიან შემსრულებლები, სიმღერების ავტორები და პიროვნებები ქანთრი მუსიკაში შეტანილი წვლილისთვის.

ლიტერატურა

• Kingsbury, Paul; McCall, Michael; Rumble, John W., The Country Music Hall of Fame; Country Music Hall of Fame and Museum // The Encyclopedia of Country Music, Oxford University Press, 2012. — 335—338; 517; 726-727; 648-649 (по URL) გვ640 p, ISBN 9780199920839.

რესურსები ინტერნეტში

• შეგიძლიათ იხილოთ მედიაფაილები თემაზე „ქანთრის დიდების დარბაზი და მუზეუმი“ ვიკისაწყობში.
• ოფიციალური საიტი